Ồng Tô Lâm, Tổng Bí thư, Chủ tịch lơgar tìp măt kâp dờng Đơng lam lơgar New Zealand
Thứ sáu, 06:00, 14/08/2026
Cau mblàng mờ sền: Lơ Mu K’Yến/ VOV1
Cau mblàng mờ sền: Lơ Mu K’Yến/ VOV1
VOV4.K'Ho- Drim ngai 13/08, tơnơ̆ Dơ̆ bơyai lơh wă rò dờng màng yŭ rơyùm geh lơh tàm Gơlăng Đơng lam, ƀòn dờng Auckland, lơgar New Zealand, ồng Tô Lâm, Tổng Bí thư, Chủ tịch lơgar neh tìp măt kâp dờng mờ mò Dame Cindy Kiro, Đơng lam lơgar New Zealand.
Tàm dơ̆ tìp măt kâp dờng, bàr đah dùl nùs bal ai gĭt gơ̆p Tam klăc lơh broă bal Jŏ jòng Tơl làm Việt Nam mờ New Zealand tus dùl tŭ tơngai pa. Tàm gơnoar broă pơgồp bal đơng lam gĭt gơ̆p Asean mờ New Zealand tơngai bơh nam 2024- 2027, ồng Tô Lâm, Tổng Bí thư, Chủ tịch lơgar đơs nền Việt Nam rơ̆p lơh ngan jơh pràn nàng ai gĭt gơ̆p 2 lơgar lòt mŭt tàm broă lơh ngan ngồn, mùl màl rlau tai.
Đơng lam lơgar New Zealand đơs sùm bàr lơgar ờ mìng geh uă bơta pràn tàm lơh broă bal 2 gah mờ jơh bal tàm ală broă uă gah. Bàr đah dùl nùs bal pơn jăt tai pơgồp bal niam mờ tàm dong kờl bal tàm ală anih cribơyai uă gah, pơgồp bơnah lơh geh tiah ơm kis ring lơngai, kơ̆ kơl jăp, lơh broă bal mờ bơtàu tơngguh tàm kơnhoàl ù tiah do kung bè tàm dunia.
Viết bình luận