Tàm dơ̆ lơh broă, ồng Lê Minh Hưng sồr Anih priă jền Dà lơgar mờ ală mpồl ai càn priă ờ mìng ơm wơl tàm broă sền sơ wì cồng nha lơm mờ pal sền dờp song dơ pă tàm ală bơta pơhìn, hoàc huơr dờng. Kơnòl broă bơh Anih priă jền Dà lơgar dê mơlà gròi sền roh giă priă, mơlà pal dong kờl gơguh tai, den tàng sồr pal geh bơta pràn jak đơng lam pal ngăc ngar ngan rlau jơh, rcang lài, di mờ tŭ tơngai mờ di khà.

Tơngkah bè ală bơta gam ờ niam tàm gĭt wă lơh jat adat boh lam bè priă ngui mờ broă ai càn priă tàm bàr pe mpồl, Thủ tướng sồr broă lơh lùp sền, jat sền anih priă jền pal geh sơlơ lơh pràn kơl dang rlau tai. Tài bơh ală priă ai càn geh lòt di gùng, lòt mut tàm ală gah lơh sa kă bro den bơta gơn kơnờm rơ̆p lơh gơrề dờng ngan ai gơguh tai mờ kơ̆ kơl jap dờng dê.