Tàm dơ̆ tìp măt mờ cri bơyai, bàr Kwang đơng lam ring bal pơn jăt tai tơnguh nùs nhơm pin dờn chính trị, bơtàu tơnguh tơl ală git gơ̆p đah bàr lơgar dê bơh broă tơnguh broă cri bơyai, tìp măt kấp dờng mờ ală kấp, geh bal tàm đah Đảng, Dà lơgar, Quốc hội mờ tìp bal làng bol, bơh tŭ hơ̆ tơnguh cồng nha ală kơrnoăt cri bơyai broă lơh.

Ồng Tô Lâm, Tổng Bí thư, Chủ tịch lơgar sồr bàr đah pal tơnguh broă pơgồp bal, sền wơl, lơh geh cồng nha Broă lơh lơh jăt git gơ̆p Lơh broă bal Jŏ jòng tơl làm đah lơgar Việt Nam mờ lơgar New Zealand tơngai bơh nam 2025 tus 2030. Bàr Kwang đơng lam đơs nền rơ̆p pơn jăt tai tơnguh lơh broă bal rơlao tai tàm ală broă tàm tiah do mờ tàm ală lơgar geh sền gròi bal tàm ală pơrjum uă lơgar, tàm hơ̆ uă ngan là Liên hợp quốc.