VOV.K’Ho- Ngai òr (18/11), Củ tịc lơgar ồng Lương Cường tus bal Ngai chờ Tam klac dờng jơh gùt làng bol tàm thôn Bảo An, sàh Gò Nổi, ƀòn dờng Đà Nẵng di tơngkah 95 nam Ngai bơhiàn Mặt trận dà lơgar Việt Nam (18/11/1930 – 18/11/2025), kung là Ngai Tam klac dờng jơh gùt làng bol nam 2025.

VOV.K’Ho- Ngai òr (18/11), Tổng Ƀí thư ồng Tô Lâm neh wă Phó Thủ tướng, Ƀộ trưởng Ƀộ Ling klàng lơgar Slovakia ồng Robert Kaliňák tàm tơngume lòt còp ngan ngồn tus lơgar Việt Nam.

. VOV.K’Ho- Mho òr (18/11), dờp jơnau jà bơh Thủ tướng lơgar Algeria ồng Sifi Ghrieb, Thủ tướng Cíñ phủ ồng Phạm Minh Chính bal mờ pơ ùr mờ Mpồl ala mat Kwang bàng kấp dờng lơgar Việt Nam neh tus ƀlàng rơndeh par ală lơgar Houari Boumediene Alger, Algeria sơnđờm dơ̆ lòt còp ngan ngồn lơgar Algeria.

VOV.K’Ho- Mho òr (18/11), ồng Tạ Anh Tuấn, Củ tịc Anih duh broă Làng bol càr Dăk Lăk bal mờ mpồl lơh broă bơh càr dê neh geh mat tàm sàh Yang Mao (kơnhoàl Krông Bông yau) nàng lòt sền bơta hoàc huơr tài bơh mìu dờng dà kŏ dà cò, đơng lam mhar lơh ală broă lơh drơng, ntrờn làng bol lik bơh tiah sơbơng roh mờ bơsong jơnau gơ lời wơl.

VOV.K’Ho- Tơnơ̆ dơ̆ mìu dờng jŏ jòng sùm tàm ală ngai do lơh uă càr tàm tiah đah jum tàm gùl lơgar mờ Tây Nguyên gơtìp ngơr bam kơn jơ̆ ngan. Gơnoar atbồ tàm ƀòn lơgar bal mờ làng bol lơh ngan bơsong hoàc huơr, gờñ bè ờs wơl rài kis.

VOV.K’Ho- Ngai òr (17/11), Mpồl tam klac cau ùr càr Dăk Lăk neh bơyai lơh tơn jơh mờ jàu khà jờng dơ̆ pơrlòng “Cau ùr ƀòn lơgar sơn đờm mut lơh broă tam gơl pa, bơceh lơh” nam 2025.

VOV.K’Ho- Tàm dơ̆ lòt còp ngan ngồn Dà lơgar Kuwait, ngai òr (17/11), Thủ tướng Cíñ phủ ồng Phạm Minh Chính neh tìp mat cribơyai mờ Kòn klau bơtau lơgar Kuwait ồng Sheikh Sabah Khaled Al-Hamad Al-Sabah; còp Thủ tướng Kuwait lài do ồng Sheikh Nasser Al-Mohammed Al-Jaber Al-Sabah.

VOV.K’Ho- Drim òr (17/11), tàm Hà Nội, Lùp sền Cíñ phủ bơyai lơh dơ̆ tơnkah 80 nam Ngai bơhiàn Lùp sền Việt Nam (23/11/1945- 23/11/2025).

VOV.K’Ho- Tàm tơngume lòt còp ngan ngồn Dà lơgar Kuwait, Thủ tướng Cíñ phủ ồng Phạm Minh Chính bal mờ Mpồl cau ala mat kấp dờng Việt Nam neh tìp mat kwang bàng, cau lơh broă anih lơh broă ala mat lơgar Việt Nam mờ mpồl bơtiàn cau Việt Nam tàm Kuwait.

VOV.K’Ho- Drim òr (17/11), mìu dờng jŏ jòng pơgồp bal mờ dà kŏ dà cò uă tiah bơh bồ tô dà neh lơh gơlik uă hoàc huơr bè cau mờ phan bơna bơt bơtàu gùng lòt rê tàm ală càr Lâm Đồng- Khánh Hoà mờ Dăk Lăk.