VOV.K’Ho- Mho òr (11/11), tàm Hìu lơh broă Đảng Dà lơgar, Tổng Ƀí thư ồng Tô Lâm đơng lam dơ̆ tìp mat mpồl cau ala mat geh 70 mpồl cau, cau dồ nă să pơn rơ jak tàm mpồl tus bal sền gàr lơngăp lơngai, rơndăp tăp sèng tàm ƀòn lơgar tàm gùt lơgar dê.

VOV.K'Ho- Thủ tướng đơs nền, Việt Nam rơp sùm lòt bal, dong kờl uă ngan rlau jơh tàm bơta pràn he dê nàng bal mờ lơgar Lào lơh geh bơta kơ̆ kơljap mờ bơtàu tơnguh kơnhăp jŏ.

VOV.K'Ho- Mho ngai 10/11, Thủ tướng Cíñ phủ ồng Phạm Minh Chính tus bal Anih cribơyai Mpồl lơh sa kă bro Việt Nam bal mờ tơngume: “Mpồl lơh sa kă bro FDI lơh lài tàm lơh jăt Broă rơndăp lơh gơguh tơlir tàm rài sồ”.

VOV.K'Ho- Ngai 10/11, Củ tịc Anih duh broă Làng bol càr Gia Lai ồng Phạm Anh Tuấn neh geh sră hòi jà jơh gùt càr sơm băt tê bal bơsong jơnau gơlời wơl tài bơh mìu càl rbŭt dờng sồ 13 (Kalmaegi) lơh aniai, gờñ bè ờs wơl rài kis làng bol in, lơh geh wơl mờ lơh mhar bơtàu tơngguh lơh sa – mpồl bơtiàn nam 2025.

VOV.K’Ho – Mho mang òr (10/11), Củ tịc Quôk hội ồng Trấn Thanh Mẫn đơng lam Dar pơrjum dơ̆ 3, Mpồl duh broă tĕ khà dà lơgar.

Bơh ngai 11/11 tus ngai 07/12/2025, càr Lâm Đồng bơyai lơh Chờ ce ală lơgar – World Tea Fest 2025 dờng ngan, dơ̆ sơn rờp geh bơyai lơh tàm lơgar Việt Nam he.

VOV.K'Ho- “Pơn jờng mờ sền gàr kwang bàng duh hồl, bơceh lơh, khin kơlôi, khin lơh, khin kong kơnòl tài bơta kwơ bal”, là dùl tàm ală kơnòl broă geh cih tàm 3 tam gơl pràn broă rơndăp lơh tàm Jơnau rơcăng cih Jơnau yal cíñ trị bơh Mpồl Duh broă Đảng Dà lơgar khoă XIII dê, sền Pơrjum dờng dơ̆ XIV Đảng dê. Gùng dà broă lơh do tơnggŏ loh nùs nhơm tam gơl pa, sền song tàm ală bơta gơkòl tàm lam lơh jăt kơnòl broă dà lơgar – tiah ờ dồ êt nă kwang bàng kung gam ờ khin, ngòt kơnòl, ngòt tìs.

VOV.K’Ho- Drim òr (10/11), Thủ tướng Cíñ phủ ồng Phạm Minh Chính, Củ tịc Mpồl duh broă Tàm pơrlòng- Pà khà jờng Dà lơgar tus bal Pơrjum dờng tàm pơrlòng kờñ gơboh Dà lơgar Ƀộ Cribơyai broă mờ lơgar ndai tơngai bơh nam 2025-2030.

VOV.K’Ho- Drim òr (10/11), tàm pơrjum dơ̆ 10, Quôk hội khoă 15 pơn jat tai lơh broă lơh kwang bàng. Jat hơ̆, ồng Đỗ Văn Chiến - Phó Ƀí thư duh broă sùm Đảng ủy Quôk hội geh pồ at gơnoar broă Phó Củ tịc Quôk hội khoă 15.

VOV.K’Ho- Lơh broă mờ càr Dăk Lăk bè bơta bơtàu tơnguh lơh sa- mpồl bơtiàn mờ tŭ tơngai ai priă bơcri Dà lơgar, Phó Thủ tướng Cíñ phủ ồng Mai Văn Chính jờng rơ càr neh rcang lơh broă gơnoar atbồ ƀòn lơgar 2 kấp tơnơ̆ tŭ rơndăp tăp sèng mpồl lơh broă sră pơ àr gơnoar atbồ, gàr niam khà gơguh lơh sa tàm tơngai uă kal ke.