Tơnguh ală cồng nha neh lơh geh, càr gam tơrgùm bơsong ală bơta pràn gơguh lơh sa nàng lơh gơs jơnau kờñ gơguh lơh sa rơlao 10% tàm nam 2026.

Jăt khà kờp càr Khánh Hoà dê, 2 bơta tờm pơgồp bal tàm khà gơguh lơh sa rơlao 9% càr dê là lơh sa mờ măi mok mờ bơ̆t bơtàu tơnguh rơlao 12%; broă lơh drơng ala gơguh 9%. Gùt càr geh 1 rơbô 557 mpồl lơh sa kă bro crơng gơs pa, gơguh rơlao 33%. Nàng lơh gơs jơnau kờñ gơguh lơh sa 10% tàm gùt nam, càr Khánh Hoà pal geh khà gơguh lơh sa rơlao 11% tàm 6 nhai lồi nam. Jơnau kờñ do geh gah Kờp sền càr Khánh Hoà đơs là geh ngan tài geh uă bơta pràn pa, rơ̆p geh tơnguh tàm nggùl lồi nam do.