Đơs broă lơh broă mờ lơgar ndai bơh tơnơ̆ Pơrjum dờng XIV Đảng dê lơh geh uă cồng nha kwơmàng, Tổng Bí thư, Chủ tịch lơgar sồr Mpồl Sồr lơh lơh jăt niam gơnoar broă đơng lam pơgồp bal jŏ jòng, lơh bơsong gơtùi ală broă dờng, ală gah. Anih lơh broă Duh broă sùm là Ƀộ Cribơyai broă mờ lơgar ndai geh jàu lơh sir ală jơnau sồr jăt pơlam gùng “6 loh”: loh cau, loh broă, loh tŭ jiơ, loh kơnòl, loh phan lơh geh, loh gơnăp gơnoar.

Bè kơnòl broă tềng đăp măt kờñ pal tơrgùm tàm 6 nhai lồi nam 2026, ồng Tô Lâm, Tổng Bí thư, Chủ tịch lơgar ai gĭt loh pal lơh sir mơ tơn ală sră nggal bơnàng jă nàng Mpồl Sồr lơh in mŭt lơh broă ring bal, geh cồng nha; jàu Anih lơh broă Duh broă sùm Mpồl Sồr lơh in đơng lam, pơgồp bal mờ Bộ Sền gàr adăt boh lam, Bộ Lơh sa mờ măy mŏk mờ Kă bro phan, ală mpồl, ƀộ, gah, ƀòn lơgar gơrềng bal kờp sền nền wơl tơl làm tàm broă lơh jăt ală jơnau hơ̆, bơta kơ̆p kờñ ală lơgar dê, jơnau ring bal ală lơgar kwơmàng; bơyai lơh sền wơl dồ nam lơh jăt Jơnau lơh nền tàm pơrjum 59; rơcăng lơh Broă rơndăp lơh jŏ jòng lơh broă mờ lơgar ndai tàm broă dờng pa.