VOV.K'Ho- Ngai òr (04/01), tàm Hìu Quốk hội, Phó Củ tịc Duh broă sùm Quốk hội ồng Đỗ Văn Chiến neh tus sền dơ̆ tàp dŭt ndơl dơ̆ Tơnkah 80 nam Ngai bơyai lơh Tĕ khà dờng bơh sơnrờp pồ Quốk hội lơgar Việt Nam (06/1/1946 – 06/1/2026).

VOV.K'Ho- Ală gùng dà broă lơh bè bơto bơtê ai tiah làng bol jơi bơtiàn ờ gal cau, tiah ngài neh cèng geh ală cồng nha loh làng tàm càr Gia Lai. Uă kơnòm bơsram geh dong kờl di tŭ bè sào sa, hìu ơm, priă bơsram, lòt rê, neh dong kờl khà kơnòm bơsram lòt bơsram gơguh, broă kơnòm sơbì bơsram gơmù. Uă broă dong kờl ai mpồl cau pơgru kung neh dong kờl ală cau pơgru iang nùs bơto. Kơnờm mờ hơ̆, broă bơto mờ bơsram geh niam rơlao, cồng nha bơto bơtê geh gơguh.

VOV.K'Ho- Mŭt tàm nam pa 2026, tŭ kàl tơnhàu kơphê mờr lơh sir jơh, nùs nhơm brơn brài gơrề uă làm gùt ală ƀòn lơgar tiah Tây Nguyên dê. Tơnơ̆ dùl nam lơh broă tơryăng tơryồng, làng bol lơh broă sa chờ hờp tŭ lơh sa ƀươn niam, phan lơh geh bơh sươn sre geh tơnhàu uă, geh giă, rài kis ngai sơlơ tơl ngui tơl sa rlau.

VOV.K'Ho- Năm 2025 tơn jơh bal mờ uă tềl lời wơl is ồn, ờ mìng là nam tơngguh pràn nàng lơh sir ală jơnau kờñ Jơnau lơh nền tàm pơrjum XIII, lơh geh cồng nha chờ hờm wă rò Pơrjum dờng XIV Đảng dê, mờ gam cih tềl ală lơh nền gơcèng jơnau kah yau tàm rơndăp tăp sèng wơl ù tiah bơtàu tơngguh dà lơgar. Broă tơmŭt bal lơh sră pơ àr gơnoar ătbồ ală càr, lam lơh broă lơh gơnoar ătbồ ƀòn lơgar bàr kâp neh pờ gơlik bơta pa nàng rơndăp tăp sèng wơl bơtàu tơngguh jăt gùng kơnhăp jŏ, lơh bal mờ geh cồng nha rlau. Tàm pang rùp hơ̆, Tây Nguyên – Đah jum tàm gùl lơgar pơnrơ tai bè dùl ù tiah bơtàu tơngguh bềng bơta pràn, kơnhăp jơng cơnđoà lòt mŭt tàm rài pa.

VOV.K'Ho - Tàm ală ƀòn tiah sar lơgar ngài, tiah jơi bơtiàn dồ êt nă cau bơh Tây Nguyên dê, mờ bơta sền gròi bơh Đảng, Dà lơgar dê, nùs nhơm tam klac bal sơrlèt gan kal ke, brồ guh bơh làng bol dê mờ bơta tryăng tryồng kơlôi rơcang lơh broă lơh sa, rài kis làng bol dê gam ngai sơlơ tam gơl niam. Wă rò nam pa 2026, bơta chờ hờp mờ bơta hô hơng gơ mpờl loh ngan tàm ală ƀòn Tây Nguyên, tŭ làng bol sền wơl ală tam gơl niam ngan bơh dà lơgar mờ bơh ƀòn lơgar he dê.

VOV.K’Ho – Ngai 30/12, Thủ tướng ồng Phạm Minh Chính đơng lam Pơrjum pơlam lơh jat ală Jơnau lơh nền tàm pơrjum bơh Quôk hội dê nàng tă bơsong bơta gơ kòl gơ wèt mờ ală rơndap broă lơh mờ Broă lơh jơnau kờñ dà lơgar bơt bơtàu ƀòn lơgar pa, tơrmù rƀah kơ̆ kơljap mờ bơtàu tơnguh lơh sa mpồl bơtiàn tiah làng bol jơi bơtiàn dồ êt nă cau mờ tiah kơh bơnơm.

VOV.K’Ho- Jơnau yal tơngĭt jơnau gơlik geh pah ngai ngai do dan yal wơl 10 broă lơh pơn rơ ngan tàm lơgar nam 2025 bơh Anih Jơnau đơs Việt Nam dê sac rơwah; là ală tềl lời wơl cèng jơnau gơtha jrô ơnàng uă ngan, wăc sềr loh làng rlau tai bơta wèt sền, nùs nhơm bồ tơngoh mờ bơta pràn Việt Nam dê tàm gùng lòt pa.

VOV.K'Ho - Tổng Ƀí thư sồr, tơngai tus, Hìu bơsram kơlôi sơnơng Cíñ trị dà lơgar Hồ Chí Minh tơrgùm lam lơh 6 gùng dà geh ai tơlik lài mờ kơnòl broă tờm, pơn jat tai tam gơl kuơmàng broă lơh bơto bơtê, bơto pơlam kwang bàng jat gùng dà ngan ngồn, geh cồng nha, pa ngan.

VOV.K’Ho- Tàm ală ngai lồi nam, Đảng ƀộ mờ làng bol ală jơi bơtiàn càr Dăk Lăk gam tơnguh mhar tơngai lam lơh ală broă, ờ mìng nàng rơcang wă rò nam pa 2026, mờ gam wèt tus gờm chờ Pơrjum dờng cau ala mat gùt lơgar dơ̆ 14 bơh Đảng dê. Nùs nhơm hô hơng kung gam gơ rề tàm uă broă lơh phan bơna kuơmàng bơh càr Dăk Lăk dê. Ală gơl gùng pa pờ, ală rơndap broă lơh dờng geh sơn đờm lơh ờ mìng tàm tơrbŏ bal ù tiah bơtàu tơnguh mờ gam lơh gơlik bơta kơp kơnờm gơguh lơh sa pa, lơh jat ngan ngồn Jơnau lơh nền tàm pơrjum bơh càr dê mờ jơnau kờñ gơguh lơh sa 10% tàm tŭ tơngai pa.

VOV.K’Ho- Ngai 30/12, tàm Hìu lơh broă Cíñ phủ, Thủ tướng Cíñ phủ ồng Phạm Minh Chính đơng lam Pơrjum sền wơl “Broă lơh Quang Trung” sơr băc mhar lơh hìu, lơh niam wơl hìu ơm ai ală hìu bơnhă geh hìu ơm gơtìp hoàc huơr tài bơh mìu càl rơbŭt dờng, dà tih dà lìu tàm tiah tàm gùl lơgar mờ Tây Nguyên.