Đơs tàm dơ̆ bơyai lơh, ồng Lê Minh Hưng, Thủ tướng Chính phủ đơs nền, Đảng, Chính phủ sùm sền broă lơh lòt jòi, rờ tơrgùm mờ đal git mat ƀồc ntìng cau ling chơt màng là kơnòl broă chính trị tờm, là bơhiàn “Hùc dà kah tô dà”, “Kis git jơnau git adat” mờ jơnau sồr bơh plai nùs gơ wèt mờ ală cau khin cha jak chài chơt màng neh phi să. 

Bơh mùl màl đal git, lùp sền mờ lam lơh lòt jòi, rờ tơrgùm ƀồc ntìng cau ling chơt màng tàm suơn bal Lê Thị Riêng, Thủ tướng sồr ƀòn dờng Hồ Chí Minh bal mờ Ƀộ Ling klàng, Gah Đơng lam Ling tiah 7 mhar tơrgùm, mblàng lơh loh, sền swì nền nòn, jak chài, rơndap tap sèng ală sră nggal, jơnau yal tơnggit gơ rềng tus ală dơ̆ tam lơh, ală broă lơh dờng tàm ƀòn lơgar, is ồn là tàm ală nam 1968, 1972. Mờ kung sơlơ tàm pơndrờm sră nggal, lùp jơnau yal wơl bơh ală cau sền gŏ kah yau dê mờ ngui măi mok pa nàng kờñ lơh mhar tơngai hơ pơrgon đal git jơnau yal tơnggit.