Nting bơr gờm chờ ală Kwang atbồ anih lơh broă ala mat ală lơgar dờp kơnòm broă pa, ồng Tô Lâm, Tổng Bí thư, Chủ tịch lơgar đơs nền, Việt Nam sùm sền dờng màng bơta git gơp lơh bơyô, lơh broă bal mờ ală lơgar, kơp kờñ bal mờ gơp chồl tơnguh bơta git gơp 2 gah ngai sơlơ bơtàu tơnguh ngan ngồn, geh cồng nha tàm ală gah broă. 

Tàm ală dơ̆ wă, ồng Tô Lâm, Tổng Bí thư, Chủ tịch lơgar sồr ală Kwang atbồ anih lơh broă ala mat ală lơgar lơh rbàng tơrbŏ lam lơh cribơyai mpồl, rề ơnàng lơh broă bal bè lơh sa, kă bro phan, bơcri priă, bơto bơsram, niam chài mờ tìp mat lơh kwèng làng bol; mờ kung sơlơ tàm pơgồp bal tàm ală anih cribơyai kơnhoàl ù tiah mờ ală lơgar. Ală Kwang atbồ anih lơh broă ala mat ală lơgar ai tơnggŏ bơta pơn yờ să dờp kơnòl broă tàm lơgar Việt Nam, đơs nền rơp lơh ngan bơt bơtàu bơta git gơp lơh bơyô, lơh broă bal đah lơgar he mờ Việt Nam, pơgồp bơnah ai bơta git gơp 2 gah bơtàu tơnguh jrô ơnàng rlau tai tàm tơngai tus.