Tàm pơrjum, ồng Lữ Ngọc Bình, Lam bồ Mpồl rơndăp broă Tỉñ ủy càr Quảng Ngãi yal ală jơnau lơh nền bơh Mpồl đơng lam Đảng dê bè broă ring bal pồ gơnoar broă Phó Kong kơnòl Anih duh broă Sền sơwì Tỉñ ủy càr mờ Kwang bàng Anih duh broă Sền sơwì Tỉñ ủy càr Quảng Ngãi.

Jat ală Jơnau lơh nền do, Mpồl đơng lam Đảng ring bal pồ ồng Trần Ngọc Tuấn, Kwang bàng Anih duh broă Sền sơwì Tỉñ ủy càr at gơnoar broă Phó Kong kơnòl Anih duh broă Sền sơwì Tỉñ ủy càr Quảng Ngãi, tơngai lơh broă bơh nam 2025-2030; Mpồl đơng lam Đảng ring bal pồ ồng Trương Huy Tâm, Lam bồ Cơldŭ lơh broă broă lơh ờs mờng II, Anih lơh broă Anih duh broă Sền sơwì Tỉñ ủy càr mut bal tàm Anih duh broă Sền sơwì Tỉñ ủy càr Quảng Ngãi, tơngai lơh broă bơh nam 2025-2030. Tơnơ̆ tŭ pồ tơl kwang bàng, Anih duh broă Sền sơwì Tỉñ ủy càr Quảng Ngãi geh 4 nă kwang bàng đơng lam bồ mờ 9 nă kwang bàng.