Do là rơndap broă lơh đèng càl geh priă bơcri tơn bơh lơgar ndai uă ngan rlau jơh tàm càr, mờ kờp jơh priă bơcri lơh mờr 8 rbô 700 tơmàn đong. 

Jat bơceh lơh, pah nam, mpồl hìu măi đèng pờ tơlik mờr 640 tơlak kWh đèng sàng goh ai gùng che đèng dà lơgar in, pơgồp bơnah gàr tơl đèng ai tiah tàm gùl lơgar mờ Tây Nguyên in mờ kung lơh geh tai bơnah priă tơmut tàm kes priă mờ broă lơh ai cau lơh broă in. Càr Dăk Lăk git nền, năng lượng lơh geh wơl là dùl tàm ală gah lài ngan gơ hòi gơ jà priă bơcri, pơn jat tai lơh gơlik bơta niam nàng ală cau bơcri priă geh pràn jak lam lơh ală rơndap broă lơh năng lượng sàng goh, pơgồp bơnah chồl tơnguh gơguh lơh sa mờ bơtàu tơnguh kơnhăp jŏ.