Đơs tàm dơ̆ lơh broă, ồng Tô Lâm, Tổng Bí thư, Chủ tịch lơgar đơs nền, kah yau rài tam lơh sền gàr lơngăp lơngai dà lơgar, gàr niam rơndăp tăp sèng lơngăp lơngai mpồl bơtiàn neh lơh nền gơnoar broă, tiah is ồn kwơ màng bơh broă lơh bơta chài măi mok, broă lơh ờs mờng, geh tŭ broă lơh do geh bơta lơh nền tàm bàr pe tŭ tơngai kwơ màng; pal sền gròi, tàm ală nam pa do, broă lơh bơta chài măi mok lơh broă ờs mờng geh ală broă lơh bơtàu tơnguh pa jat nùs nhơm tam gơl pa, pa ngan, gơrềng uă rlau, Kụk ờ mìng jơh nùs tus bal geh cồng nha tàm ală broă lơh lùp khàu, dơ̆ broă lơh tìs lơm mờ gam rcang lài pơgồp bal sền gàr gơnoar tờm dà lơgar, gơnoar tờm ù tiah, sền gàr tiah nhàr lơgar kơnhoàl ù tiah bơh broă lơh măi mok lơh broă ờs mờng mờ drơng broă ai broă lơh bơtàu tơnguh lơh sa mpồl bơtiàn bơh Dà lơgar dê.

Ồng Tô Lâm, Tổng Bí thư, Chủ tịch lơgar sồr, pờ ơnàng broă lơh bơta chài măi mok, broă lơh ờs mờng tàm ală ù tiah pa nàng rcang lài sền gĭt ală bơta pơhìn lơngăp lơngai mờ sơlơ tơnguh tai bơta pràn jak sền gàr lơngăp lơngai Dà lơgar.