Do là tơngume geh ring bal tàm Pơrjum dờng cau ala mat dơ̆ I bơh Mpồl dê. Tàm tơngai lơh broă pa do, ală kấp Mpồl Chữ thập đỏ bơh 2 càr Dăk Lăk mờ Phú Yên lài mờ tŭ tơmŭt bal neh lam lơh uă broă lơh dong kờl kòn bơnus mờ kờp jơh priă jền rlau 403 tơmàn đong, dong kờl rlau 1 tơlak 300 rơbô dơ̆ cau; uă srơh bè Sa tềp Kờñ gơboh kòn bơnus, Nhai dong kờl kòn bơnus, pà mhàm dong kờl is, srơh rcang lài pleh trồ tiah lơh aniai ndrờm sơr lèt mờ broă jàu.

Đơng lam pơrjum dờng, ồng Nguyễn Thiên Văn, Phó Chủ tịch Anih duh broă Làng bol càr Dăk Lăk sồr Mpồl Chữ thập đỏ càr Dăk Lăk pơn jat tai tam gơl pa broă lơh lơh broă jat gùng dà geh ngan, ờs mờng, lơh pràn tam gơl sồ, tơnguh uă cồng nha hòi jà tă pơgồp bal, atbồ bơta pràn mờ ngui niam gơnoar tờm tàm broă lơh dong kờl kòn bơnus.