Bè kơnòl broă, Mpồl tơrgùm kơlôi sơnơng, tơn jơh bơta ngan ngồn, tă pơgồp jơnau đơs bè tam gơl pa bơyai lơh mờ broă lơh bơh Quốc hội, Anih duh broă Lơh kơnòl broă sùm Quốc hội, ală anih lơh broă Quốc hội dê; tơnguh cồng nha lơh adat, jat sền dờng ngan rlau jơh, lơh nền ală broă dờng màng bơh Dà lơgar dê; bơyai lơh mờ lơh broă bơta kơ̆p kờñ làng bol, tìp mat mờ cau tĕ khà, jat sền broă bơsong jơnau đơs jơnau dan bơh cau tĕ khà mờ làng bol; tam gơl sồ, ală jơnau yal tơngĭt, ngui bồ tơngoh jak kòn bơnus lơh gơlik, mut gơ rờm bal ală lơgar, lơh broă mờ lơgar ndai Nghị viện; tus bal tă pơgồp jơnau đơs, hơ jơnau lùp, tă pơgồp jơnau đơs gơwèt mờ ală jơnau neh lơh nền, broă lơh, broă rơndăp lơh, jơnau yal dờng gơwèt mờ bơta đơng lam, sồr lơh bơh Anih duh broă đơng lam Đảng Quốc hội dê tŭ geh jàu mờ lơh jat ală kơnòl broă ndai bơh kấp geh gơnăp gơnoar dê jàu.

Tàm pơrjum, Mpồl Lơh kơnòl broă sùm Anih duh broă Đơng lam Đảng Quốc hội neh ring bal mờ sră yal mờ ring bal jơnau lơh nền tơnggơs Mpồl Kơlôi sơnơng mìng dùl tơngume gơwèt Anih duh broă Đơng lam Đảng Quốc hội; Anih duh broă Lơh kơnòl broă sùm Quốc hội neh ring bal mờ sră yal mờ ring bal Jơnau lơh nền tơnggơs Kụk Tam gơl sồ gơwèt Cơldŭ lơh broă Quốc hội.