VOV.K'Ho- Mờ gal kơnòm bơsram, dà Anh là môn bơsram gơtìp uă kal ke ngan. Mơya tàm Hìu bơsram kấp 3 Thực hành Cao Nguyên (gơwèt Hìu bơsram Đại họk Tây Nguyên), ală tŭ jiơ bơsram dà Anh sơlơ lơh geh tŭ jiơ kơ̆p gơn ngan. Mờ broă bơceh lơh, jơh nùs mờ broă bơto đềt mềr, klau pơgru kơnòm să Phan Mạnh Tiến neh “druh nhơm” tàm tơl jơnau bơsram, dong kờl kơnòm bơsram sơrlèt mờ bơta kal ke bè dà đơs mờ kơ̆p kờñ, kờñ gơboh mờ môn dà Anh.

VOV.K’Ho – Tàm dơ̆ lòt lơh broă tàm lơgar Algeria, Thủ tướng Cíñ phủ ồng Phạm Minh Chính mờ Thủ tướng Algeria ồng Sifi Ghrieb neh tus bal Anih cribơyai Lơh sa Việt Nam – Algeria.

VOV.K’Ho – Mìu dờng ngan tàm uă ngai do neh lơh dà tih, dà lìu ờ hềt geh bơh lài tus tŭ do lơh git nđờ jơt rbô hìu bơnhă làng bol tàm ală càr Dăk Lăk, Gia Lai, Khánh Hòa mờ Lâm Đồng gơtìp ngơr bam jrô ngan. Gơnoar atbồ mờ mpồl ling, kwang àng gam ai uă ngan rlau jơh phan bơna nàng dong kờl rềs àr.

VOV.K’Ho- Mho ngai 19/11, Tổng Ƀí thư ồng Tô Lâm bal mờ mpồl lơh broă Dà lơgar neh lòt còp mờ lơh broă tàm tiah is ồn Thổ Châu, càr An Giang.

2. VOV.K’Ho – Tàm dơ̆ lòt còp ngan ngồn lơgar Algeria, mho ngai 19/11, Thủ tướng ồng Phạm Minh Chính neh tìp mat kâp dờng mờ Kwang atbồ lơgar Algeria ồng Abdelmadjid Tebboune.

VOV.K’Ho- Mho ngai 19/11, Mpồl duh broă Làng bol càr Khánh Hoà pồ ồng Trần Phong, Phó Ƀí thư Tỉñ ủy càr, at gơnoar broă Củ tịc Anih duh bră Làng bol càr tơngai lơh broă bơh nam 2021-2026.

VOV.K’Ho – Ală càr Dăk Lăk, Khánh Hòa, Gia Lai mờ Lâm Đồng gam kong mờ mìu dà tih dà lìu dờng ngan ờ hềt tŭ lơi geh bơh lài, dà dờng tih jơnhoa sơrlèt rlau mờ dơ̆ lài, lơh uă ƀòn làng bol ơm kis gơtìp ngơr bam mờ gơ wềl. Mpồl kwang àng, ling klàng mờ gơnoar atbồ lam lơh ală mpồl dong kờl, gàr niam ờdo ờdă màng kis làng bol in.

VOV.K’Ho- Drim ngai 19/11, mpồl lơh broă bơh Cíñ phủ bơh Phó Thủ tướng ồng Hồ Quốc Dũng lam bồ neh tus lòt sền broă lơh drơng mờ mìu dờng dà tih dà lìu tàm sàh Diên Điền, dùl tàm ală tiah ngơr jrô mờ ờ pràn bơh càr Khánh Hòa dê.

VOV.K’Ho- Anih duh broă Làng bol càr Lâm Đồng pa bơyai lơh pơrjum tơn jơh broă lơh sồr, ai tai kwang bàng, kông cứk, viên cứk kấp càr tus dong kờl kấp sàh tàm tơngai sơn rờp lơh broă lơh gơnoar atbồ ƀòn lơgar 2 kấp.

VOV.K’Ho- Lơh jat jơnau lơh nền bơh Ƀộ Cíñ trị dê bè lơh hìu bơsram ơm sa bic tơn ală kâp tàm ală sàh tiah nhàr lơgar đang ù gờl, pa do, Phó Thủ tướng Cíñ phủ ồng Mai Văn Chính neh tus bal dơ̆ sơn đờm lơh hìu bơsram tàm sàh Ia Rvê, càr Dăk Lăk; Phó Thủ tướng ồng Hồ Quốc Dũng kung tus bal dơ̆ sơn đờm lơh Rơndap broă lơh Hìu bơsram ơm sa bic tơn kâp 1 mờ kâp 2 tàm ală sàh tiah nhàr lơgar đah mat tơngai mut càr Gia Lai. Làng bol tiah nhàr lơgar cau lơi kung chờ hờp lơm tềng đap bơta sền gròi bơh Đảng, dà lơgar dê lời ai oh kòn tàm tiah gam uă kal ke in.