Tàm tŭ tờ bơtô tam kơphê, ồng R’com Thắng gŏ bàr pe nơm phan pin là bơh cau ling dê bè pềs nsồn, bơđông, che kơ̆t bŭt mờ neh yal ai Mpồl đơng lam Ling klàng sàh Ia Phí in.

Dờp jơnau yal, Mpồl K52 pơgồp bal mờ Mpồl đơng lam Ling klàng sàh bal mờ hìu bơnhă ồng R’com Thắng lơh dơ̆ lòt sền, sền gĭt ù tiah. Pờ ơnàng tiah lòt jòi, mpồl lơh kơnòl broă neh gŏ dùl ƀồc ntìng cau ling chơ̆t màng bal mờ uă phan geh bal, geh dùl bơnah ntìng jơng gơtìp pă bơcah, bàr pe nơm sề mờ uă ntìng dềt tàm bơta neh lề uă. Mpồl lơh broă geh gơnoar kung tơrgùm geh 3 nơm sề nàng drơng broă sền gĭt ADN jat jơnau sồr dê. Tŭ do ƀồc ntìng cau ling chơ̆t màng neh geh jun rê tàm Mpồl đơng lam Ling klàng sàh Ia Phí nàng gàr niam mờ lơh sir ală sră nggal jat jơnau sồr dê.