Tàm dơ̆ bơyai lơh, ală cau ala mat kah wơl gùng lòt bơt bơtàu, tam lơh mờ tào dờng bơh mpồl Kwang àng tiah do dê, bơh ală bơta sơn rờp tàm tiah tam lơh Tiah VI bồ ală nam 1960 tus ling chính quy, nhăp nhar tŭ do dê.

Đơs tàm dơ̆ tơngkah, Thiếu tướng ồng Trương Minh Đương, Kwang lam bồ Kwang àng càr Lâm Đồng, sồr mpồl Kwang àng pơn jat tai jơh nùs dòn song mờ Đảng, Dà lơgar mờ Làng bol; tơnguh nùs nhơm khin cha chính trị, bơta gĭt wă broă lơh, lơh tờm jak chài- măi mok, bơt bơtàu mpồl sàng goh, kơ̆ pràn, lơh geh jơnau sồr sền gàr lơngăp lơngai dà lơgar tàm bơta pa. Dơ̆ do, uă mpồl cau, cau dồ nă să geh jàu pà Sơlòng Sền gàr Dà lơgar khà 3, Bằng khen bơh Thủ tướng Chính phủ, Bộ Kwang àng mờ Anih duh broă Làng bol càr Lâm Đồng dê.