Hà Nội lơh geh uă cồng nha niam ngan mờ GRDP gơguh 8,22%, rề priă dia rlau 404 rơbô tơmàn đong, ai priă bơcri dà lơgar rlau 63 rơbô tơmàn đong. Jờng rơ ală lơh ngan bơh ƀòn dờng dê tàm lơh sir broă lơh, bơtàu tơnguh phan bơna bơt bơtàu, tam gơl pa sră pơ àr gơnoar atbồ mờ rơndăp ù tiah bơtàu tơnguh, Tổng Bí thư, Chủ tịch lơgar sồr Hà Nội tơrgùm lơh jat 8 kơnòl broă tờm tàm 6 nhai lồi nam, sền gơguh tai 2 nơm khà là kơnòl broă chính trị kwơ màng.

Ngan ngồn, Hà Nội pal lơh geh bơta bơtàu tơnguh pràn bè jak chài, măi mok, tam gơl pa bơceh lơh, tam gơl sồ mờ mpồl cau lơh broă jak. Hà Nội pal lòt lài tàm bơt bơtàu broă lơh sa jat tàm bồ tơngoh jak, ală jơnau yal tơngĭt mờ bơceh lơh, lơh mhar lơh ngan, tàm tơrbŏ bal mờ ngui ală jơnau yal tơngĭt ngui bal drơng broă tơn ai đơng lam in, kờp dŭ lài gơguh tai, jat sền bơcri priă dà lơgar, atbồ ù tiah, bơsong sră pơ àr mờ gàr tơl niam rài kis mpồl bơtiàn.