Đại tướng ồng Phan Văn Giang lơh broă mờ Mpồl Lơh kơnòl broă sùm Tỉnh ủy càr Nghệ An
Thứ năm, 13:14, 09/07/2026
Cau mblàng Ndong Brawl/VOV
Cau mblàng Ndong Brawl/VOV
VOV.K'Ho- Mho òr (08/07), Đại tướng ồng Phan Văn Giang, Phó Thủ tướng, Bộ trưởng Bộ Ling klàng lơh broă mờ Mpồl Lơh kơnòl broă sùm Tỉnh ủy càr Nghệ An bè broă bơtàu tơnguh lơh sa mpồl bơtiàn pơgồp bal mờ broă tơnguh sền gàr dà lơgar, lơngăp lơngai.
Prao nhai bồ nam, càr Nghệ An lơh jăt ndrờm bal kơnòl broă ling klàng, sền gàr dà lơgar, geh sùm nền nòn broă tŭ lơi kung rơcang tam dră, sền gàr kơl jăp gơnoar tờm tiah nhàr lơgar mờ gàr kơl jăp ù tiah.
Dờp cồng nha bơh càr neh lơh geh, Đại tướng sồr càr Nghệ An pơn jăt tai sền gròi lơh geh cồng nha Broă lơh 500 ngai mang jòi rồ, tơrgùm, đal git măt ƀồc ntìng cau ling chơ̆t màng wèt tus tơnkah 80 nam Ngai Cau ling sồt să – Cau ling chơ̆t màng. Càr pal sồr pràn broă đal git măt ală ƀồc ờ hềt geh jơnau yal tàm ală ƀlàng tơ̆p ƀồc, pơgồp bal tàm broă kah ưn ngài ală cau ling khin cha jăk chài chơ̆t màng mờ di pal mờ jơnau kơ̆p gơn bơh làng bol dê.
Viết bình luận