Jơnau đơs pơn dŭt dơ̆ lơh broă, ồng Tô Lâm, Tổng Bí thư, Chủ tịch lơgar đơs nền, tơngai tus pal sền wơl bơta niam cau lơh broă, pal tam gơl bơh broă sền kwơ khà geh tus mờ broă sền kwơ bè bơta niam, cồng nha ngui mờ bơta pràn pơgồp bal uă mờ cồng nha lơh broă.

Ồng Tô Lâm, Tổng Bí thư, Chủ tịch lơgar sồr tơnkah, tiah làng bol jơi bơtiàn ờ gal cau mờ tiah kơh bơnơm geh kwơ màng ngan bè lơh sa mpồl bơtiàn, sền gàr dà lơgar, lơngăp lơngai, tiah kis niam mờ mpồl tam klăc gùt jơi bơtiàn. Lơh broă tàm tiah do là bơta tờm nàng bơtàu tơnguh kwơ màng mơya kung gam uă kal ke bè bơta ngăc ngar bơsram sră, jơnau git wă lơh broă, jơnau đơs dà Yoan, phan bơna, jơnau tơngit drà kă bro, bơta pràn bơsram broă lơh, ai càn priă, ai broă lơh; dan pal lơh geh broă lơh kơl jăp tàm tiah làng bol jơi bơtiàn ờ gal cau pơgồp bal mờ broă lơh geh bơta pràn dơlam is, tơrmù rơƀah kơl jăp mờ prăp gàr bơta niam chài tài broă lơh kơl jăp tàm tiah làng bol jơi bơtiàn ờ gal cau ờ mìng là broă dong kờl lơh broă mờ gam là broă dong kờl jơi bơtiàn, broă dong kờl tơrmù rơƀah, broă dong kờl bơtàu tơnguh kòn bơnus mờ tơnguh nùs nhơm in dờn bơh làng bol dê.