Tàm Pơrjum dơ̆ 2, Mpồl duh broă Làng bol càr Dăk Lăk khoă XI, tơngai lơh broă bơh nam 2026 tus 2031 neh bơyai lơh broă lơh kwang bàng gơwèt gơnoar broă, pồ bơtơl gơnoar broă Phó Chủ tịch Anih duh broă Làng bol càr nàng lơh sir mpồl kwang bàng lơh broă, đơng lam bơh Anih duh broă Làng bol càr dê. Mpồl duh broă Làng bol càr Dăk Lăk neh pờ tê ring bal pồ ồng Y Nhuân Byă, Phó Kwang lam bồ Mpồl Rơndăp broă Tỉnh ủy guh at gơnoar broă Phó Chủ tịch Anih duh broă Làng bol càr Dăk Lăk khoă XI, tơngai lơh broă bơh nam 2026 tus 2031.

Pồ ồng Hồ Quang Đệ, Kwang Lam bồ Sờh Bơ̆t bơtàu guh at gơnoar broă Kwang geh jơng tàm Anih duh broă Làng bol càr Dăk Lăk khoă XI, tơngai lơh broă bơh nam 2026 tus 2031. Mpồl duh broă Làng bol càr Dăk Lăk kung pờ tê ring bal jơnau lơh nền tàm pơrjum dờp cồng nha ờ pồ Kwang geh jơng tàm Anih duh broă Làng bol càr Dăk Lăk khoă XI, tơngai lơh broă bơh nam 2026 tus 2031 gơwèt mờ ồng Trần Văn Tân, Kwang lam bồ lài do Sờh Priă jền dê, tài geh ntrờn, tam pà lơh broă ndai. Broă lơh sir ală gơnoar broă đơng lam Anih duh broă Làng bol càr Dăk Lăk geh lơh jăt jơnau geh ai bơh adăt boh lam dê, di pal mờ jơnau kờñ rơndăp tăp sèng, lơh sir mpồl lơh broă tơnơ̆ tŭ lơh jăt ală jơnau lơh nền tàm pơrjum bè broă kwang bàng, mờ tơl niam broă tơnguh uă bơta pràn, cồng nha atbồ, đơng lam bơh gơnoar atbồ ƀòn lơgar dê tàm tơngai pa.