VOV.K'Ho- Kờp jơh broă rơndăp lơh priă bơcri dà lơgar nam 2025 càr Lâm Đồng dê là rlau 18 rbô 600 tơmàn đong, geh bal priă tơn jŏ bơh nam lài.

VOV4.K’Ho- Tàm mho ngai 13/11, tàm Hìu lơh broă Cíñ phủ, Thủ tướng Cíñ phủ ồng Phạm Minh Chính đơng lam Pơrjum pờ tơlik tơn tàm internet nàng bơsong jơnau gơ lời wơl tài bơh trồ tiah lơh aniai, bơtàu tơnguh wơl lơh broă sa, kă bro mờ bè ờs wơl rài kis làng bol dê tàm tiah tàm gùl lơgar.

VOV.K’Ho- Tàm dơ̆ lơh broă mờ Sờh Broă lơh sa suơn sre mờ Tiah ơm kis, ồng Lương Nguyễn Minh Triết, Ƀí thư Tỉñ ủy càr Dăk Lăk sồr sơlơ tơnguh tai atbồ kràñ broă lơh ròng phan tàm dà hìu gŭ rơkị, ngan là tàm ală tơnau dà dờng mờ tiah jat kềng gah dà lềng, nàng kờñ gàr niam broă bơtàu tơnguh lơh sa lòt bal mờ sền gàr tiah ơm kis kơnhăp jŏ.

VOV.K’Ho – Drim ngai 13/11, Quôk hội neh pờ tê ring bal Jơnau lơh nền tàm pơrjum bè broă rơndap lơh bơtàu tơnguh lơh sa – mpồl bơtiàn nam 2026.

VOV.K’Ho- Pơn jat tai Pơrjum dơ̆ 10, Quôk hội khoă 15, mho ngai 12/11, cribơyai tàm jơnum bè rơndăp broă lơh Adat tam gơl, bơtơl bàr pe bơta bơh Adat Giă dê, uă kwang bàng sồr, broă tam gơl Adat kờñ pal di pal mờ gơnoar atbồ ƀòn lơgar 2 kấp mờ bơta geh ngan atbồ giă.

VOV.K’Ho- Ngai 12/11, Tỉñ ủy càr Dăk Lăk bơyai lơh Pơrjum tơn jơh broă lơh rcang lài, kơryan sa kuề sa kuà, pơhì pơhà mờ bơta ờ niam tơngai lơh broă Pơrjum dờng dơ̆ 13 bơh Đảng dê.

VOV.K’Ho- Dờp jơnau jà bơh Củ tịc lơgar ồng Lương Cường, Bơtau lơgar Bơtau Hashemite Jordan ồng Abdullah II Ibn Al-Hussein còp ngan ngồn lơgar Việt Nam bơh ngai 12 tus ngai 13/11.

VOV.K’Ho – Mho ngai 12/11, tàm Hà Nội, tus bal Pơrjum Sền wơl 1 nam ai mpồl tus bal sền gàr lơngap lơngai, rơndap tap sèng tàm ƀòn lơgar, Thủ tướng ồng Phạm Minh Chính sồr: mpồl tus bal sền gàr lơngăp lơngai, rơndap tap sèng tàm ƀòn lơgar pal ơm rềp ƀòn lơgar, di tŭ kơryan ală broă kal ke “bơh gờñ, bơh ngài”, bơt bơtàu sàh, sơnah ƀòn ờ geh cau tìs, ờ geh ma tuý… nàng tơl thôn, tơl khu phố, tơl ƀòn ngan ngồn là “anih rơcang gàr bè lơngăp lơngai rơndap tap sèng.

VOV.K’Ho – Drim ngai 12/11, tàm Hà Nội, Tổng Ƀí thư ồng Tô Lâm tus bal mờ đơs tàm Dơ̆ tơngkah kir sơnrai 80 nam Gah broă lơh sa suơn sre mờ tiah ơm kis (1945 – 2025).

VOV.K’Ho – Drim ngai 12/11, tàm càr Ninh Bình, geh lơh Pơrjum Ƀộ trưởng Ƀộ Lơh broă Việt Nam – Lào dơ̆ 9 nàng kờñ chồl tơnguh lơh broă bal đah Ƀộ Dơlam is lơgar Việt Nam mờ Ƀộ Lơh broă mờ Bơta kuơ ai cau lơh broă lơgar Lào tàm gah cau lơh broă, cau geh màng mờ dà lơgar.