Prao nhai bồ nam, GRDP càr dê gơguh rlau 9%, rơndăp ơm dơ̆ 14 tàm 34 càr, ƀòn dờng jơh gùt lơgar mờ ơm dơ̆ 2 kơnhoàl ù tiah Kềng gah dà lềng đah Jum tàm gùl lơgar mờ Tây Nguyên; uă broă jàu bè lơh sa mờ măy mŏk, kă bro phan, drơng broă sa priă, bơcri priă gơguh niam, rề dia geh rlau 74% kờp dŭ lài nam. Pơrjum gĭt nền 6 mpồl kơnòl broă tờm kwơmàng, tàm hơ̆ ai lài tă bơsong gơkòl bè sờr ntrờn măt ù, lơh mhar ai priă bơcri dà lơgar, tơngguh uă bơta niam bơ̆t bơtàu Đảng, lơh kràñ lơh glài, duh rơngòt adăt boh lam mờ gơ jăt bal sền đơs kwang bàng bal mờ cồng nha broă lơh.

Ồng Lâm Đông – Phó Bí thư Tỉnh ủy, Chủ tịch Mpồl duh broă Lành bol càr Khánh Hoà sồr ală kâp, gah lơh loh làng jơnau lơh nền tàm pơrjum bơh broă rơndăp lơh lơh broă, ai cồng nha drơng broă làng bol mờ mpồl lơh sa kă bro lơh gai was geh cồng nha.