Kờp jơh broă rơndăp lơh priă bơcri dà lơgar nam 2026 bơh càr Lâm Đồng dê geh Thủ tướng Chính phủ jàu mờr 14 rơbô 900 tơmàn đong. Tus nggùl nhai 6, càr pa mìng ai rlau 2 rơbô 074 tơmàn đong, ờ hềt tơl 14% broă rơndăp lơh. Jơnau tờm uă ngan bơh uă rơndăp broă lơh tàm pơr dơn dờng gam lơyài tàm broă lơh rcang bơcri priă lơh, ai mat ù, lơh sir sră pơ àr adat boh lam, broă pơgồp bal đah ală anih lơh broă tơnơ̆ tŭ tơmŭt bal ờ hềt ngan ngồn ring bal. 

Ồng Y Thanh Hà Niê Kđăm- Bí thư Tỉñ ủy càr Lâm Đồng đơs: ai priă bơcri dà lơgar gam là dùl tàm ală bơta ờ pràn dờng ngan rlau jơh bơh càr dê. Ồng sồr gơnoar atbồ ƀòn lơgar 2 kấp mờ ală gah broă geh gơnoar tơrgùm tă bơsong ală bơta gơ kòl nàng lơh mhar tŭ tơngai lơh ală rơndăp broă lơh tờm, bơsong ală rơndăp broă lơh gam gơ kòl, tơnguh cồng nha ai priă bơcri Dà lơgar dê.