Mờ khà kờp làng bol ơm dơ̆ 4 tàm dunia mờ dờng ngan rlau jơh tiah đah Jum măt tơngai Lik châu Á dê, Indonesia là drà năc ală lơgar bềng bơta pràn mờ càr Lâm Đồng is ồn sền gròi bơtàu tơngguh. Yal mờ ală mpồl lơh sa kă bro lơh broă tàm broă lơh lòt nhơl mờ Mpồl lơh broă Cơldŭ lơh broă ala măt lơgar Kộng hoà Indonesia dê, đơng lam gah niam chài lòt nhơl càr Lâm Đồng, pà gĭt, càr neh lam lơh jăt Ală jơnau neh lơh nền “Sơlơ lơh broă bal tai ală lơgar nàng bơ̆t bơtàu mờ bơtàu tơngguh gah Halal Việt Nam tus nam 2030”; lam lơh kơlôi sơnơng jơnau kờñ năc lòt nhơl lơgar Indonesia dê nàng pơlam gùng lơh mờ bơcri priă phan bơna lòt nhơl drơng broă sa priă lòt nhơl gơ in dipal mờ jơnau kờñ bơh năc lòt nhơl ngài dê, is ồn là gàr jơnau pin dờn jăt yàng. Do là bơnàng jă kwơmàng nàng 2 đah in sơlơ tàm tơrbŏ, rề ơnàng lơh broă bal mờ chồl pràn tàm pơgơl năc lòt nhơl tàm tơngai tus.