Tàm dơ̆ lơh broă, ala mat ală mpồl lơh broă neh sồr đơs ală broă lơh bè lơh pràn pơgồp bal ală gah mơya loh cau, loh broă, loh kơnòl, sơlơ tơnguh tai ngui măi mok yal tơngĭt jơnau, tơnguh tai ală jơnau yal geh gơrềng tus broă lơh rcang lài pleh, drơng mờ trồ tiah lơh aniai, tơrgùm lơh niam broă lơh mblàng yal, kờp dŭ lài bơh gờñ, bơh ngài. Cồng nha dơ̆ lơh broă, ồng Hồ Quốc Dũng- Phó Thủ tướng đơs sùm: kờp dŭ lài nam do, trồ tiah lơh aniai kal ke ngan. Jơnau gơ lời wơl tài bơh trồ tiah lơh aniai ờ mìng gơrềng tơn tus jơtai phan bơna, màng kis bơh làng bol dê lơm mờ gam dŏi tơrmù gơguh tai.

Phó Thủ tướng sồr ală Bộ, gah, pal tơnguh tai bơta pràn jak kờp dŭ lài, drơng di tŭ, lơh sir bơta pràn jak phan bơna măi mok, kờp sền wơl gơnoar kơnòl broă. Tềng tŭ tơngai mìu càl rơbŭt dờng uă, tơnggơs ală mpồl lòt sền, kờp sền nền nòn broă lơh, gàr niam cồng nha ală broă lơh drơng mờ bơta crăp rcang, ai lơh lài ngan rlau jơh là sền gàr màng kis mờ phan bơna làng bol dê.