Tơnơ̆ mờ tŭ neh sền tàm tiah bơyai lơh pơrjum, broă wă cau ala măt, gàr niam lơngăp lơngai, lơh sơnơm mờ ală bơta niam nàng drơng tàm broă jòi rồ, tơrgùm ƀồc ntìng cau ling chơ̆t màng, Mò Phạm Thị Thanh Trà, Phó Thủ tướng Chính phủ sồr ală mpồl lơh broă gơrềng bal pơn jăt tai sền wơl nền nòn tơl broă lơh.

Jăt Mò Phạm Thị Thanh Trà, Phó Thủ tướng Chính phủ đơs, broă gŏ bơtô ƀồc jòng di pơgăp 25 thơ̆k, ơnàng di pơgăp 3 thơ̆k; lài ngan gŏ 5 nơm ƀồc mờ pang toal tăng cau ling bal mờ uă ntìng neh jơh pă tàm tiah A bơh Ƀlàng nhơl chờ Lê Thị Riêng dê là cồng nha kwơ màng, mơya mìng rơ̆p là dơ̆ sơn đờm lài ngan. Bơh cồng nha lài ngan do, mò Phạm Thị Thanh Trà, Phó Thủ tướng Chính phủ kơ̆p gơn rơ̆p geh ai tơngŏ uă bơta niam tàm mpồl bơtiàn, lơh geh bơta kwơ niam kòn bơnus dê bơh kơnòl broă jòi rồ, tơrgùm ƀồc ntìng cau ling chơ̆t màng; hòi jà geh broă tus bal bơh ală kấp, gah lơh broă, ală cau jăk chài, cau ling yau, cau sền gŏ rài lài do bal mờ làng bol gùt lơgar tàm tơngai jòi rồ, tơrgùm ƀồc ntìng cau ling chơ̆t màng dê.