VOV.K’Ho- Thủ tướng Cíñ phủ ồng Phạm Minh Chính neh cribơyai tàm điện thọai mờ Thủ tướng mơkung là Ƀộ trưởng Ƀộ Cribơyai broă mờ lơgar ndai Dà lơgar Qatar ồng Sheikh Mohammed bin Abdulrahman bin Jasim Al-Thani.

VOV.K’Ho- Drim òr (10/03), Gah đơng lam Mpồl ling klàng càr Dăk Lăk bơyai lơh pơrjum mblàng yal tơngkah kir sơnrai 51 nam tam lơh pha lin Buôn Ma Thuột, tơngklàs Dăk Lăk (10/3/1975-10/3/2026), kah wơl bơta kwơ kah yau mờ ală jơnau bơsram mờng chài rơ̆ ru bơh tam lơh cèng bơta tam gơl pràn bơh dơ̆ tam lơh Tây Nguyên dê.

VOV.K’Ho- Mho òr (09/03), tàm Hìu lơh broă Đảng Dà lơgar, Tổng Ƀí thư ồng Tô Lâm neh wă ồng Scott Strazik - Củ tịc mơkung là Kwang Lam bồ dờng đơng lam Tập đoàn GE Vernova bơh lơgar Mỹ dê.

VOV.K’Ho- Mho òr (09/03), tàm Hìu lơh broă Quôk hội geh lơh Pơrjum bơh Mpồl Lơh kơnòl broă sùm Đảng ủy Quôk hội mờ Mpồl Lơh kơnòl broă sùm Đảng ủy Cíñ phủ bè tơngume, broă lơh dơ̆ pơrjum dơ̆ I, Quôk hội khoă XVI.

VOV.K’Ho- Ngai òr (09/03), Mpồl đơng lam Mpồl ling sền gàr tiah nhàr lơgar càr Dăk Lăk neh lòt sền broă lơh rơcang tĕ khà tàm ală mpồl geh bơyai lơh tĕ khà gờñ.

VOV.K'Ho- Tềng đăp mờ bơta kal ke bơh drà kă bro năng lượng dunia dê, càr Lâm Đồng gam tơnguh broă atbồ broă kă bro xăng jờu, mờ pơlam làng bol mìng blơi xăng jờu tơl ngui, bañ prăp tàm hìu nàng gàr niam broă rơcang ồs sa, crùh ồs sa.

VOV.K'Ho- Mang òr (09/03), Thủ tướng Cíñ phủ ồng Phạm Minh Chính neh cri bơyai tàm điện thoại mờ Kwang atbồ Ală lơgar Bơtau dềt Arab tơrgùm dùl (hòi lơyah là lơgar UAE) ồng Sheikh Mohammed bin Zayed Al-Nahyan, cri bơyai bè bơta tàm tiah do mờ lơh pràn bơta git gơ̆p đah lơgar Việt Nam mờ lơgar UAE dê.

VOV.K’Ho- Drim òr (09/03), tàm Hà Nội, Củ tịc Quôk hội, Ƀí thư Đảng ủy Quôk hội ồng Trần Thanh Mẫn, Lam bồ Mpồl sền sơwì, jat sền sồ 11 bơh Ƀộ Cíñ trị, Mpồl đơng lam đảng dà lơgar đơng lam dơ̆ lơh broă mờ Mpồl Lơh kơnòl broă sùm Đảng ủy ală anih lơh broă Đảng Dà lơgar.

VOV.K’Ho- Drim òr (09/03), Mpồl jat sền, lòt sền bơh Mpồl duh broă Tĕ khà dà lơgar bơh ồng Trần Sỹ Thanh, Kwang bàng Ƀộ Cíñ trị, Ƀí thư Đảng dà lơgar, Cau kong kơnòl Anih duh broă Lòt sền dà lơgar, Kwang bàng Mpồl duh broă Tĕ khà dà lơgar lơh kwang lam bồ mpồl neh lòt sền bơta geh ngan mờ lơh broă mờ Anih duh broă Tĕ khà càr Dăk Lăk dê.

VOV.K'Ho- Ală mpồl Sền swì, jăt sền bơh Ƀộ Cíñ trị dê, Mpồl Đơng lam Đảng Dà lơgar pa lơh broă mờ Mpồl lơh kơnòl broă sùm Tỉñ ủy bàr pe ƀòn lơgar tàm kơnhoàl ù tiah Tây Nguyên mờ Đah Jum tàm gùl lơgar. Tàm hơ̆, tơrgùm bàr pe tơngume tờm, bè: broă bơyai lơh kơlôi sơnơng, bơsram, mblàng yal mờ lam lơh jăt Jơnau lơh nền tàm pơrjum bơh Pơrjum dờng XIV Đảng dê; Broă lơh broă lơh jăt Jơnau lơh nền tàm pơrjum.