VOV.K’Ho- Anih duh broă Làng bol càr Gia Lai pa bơyai lơh pơrjum jàu broă jàu bơtàu tơnguh lơh sa- mpồl bơtiàn nam 2026 ai 135 sàh, sơnah ƀòn mờ ală gah broă in.

VOV.K’Ho- Ngai òr (11/01), tàm Dà Làc, Mpồl lơh broă bơh Ƀộ Bơt bơtàu dê bơh Ƀộ trưởng ồng Trần Hồng Minh lơh cau lam bồ mpồl neh lơh broă mờ càr Lâm Đồng bè lam lơh broă rơndap ù tiah, bơt bơtàu rơndap tap sèng phan bơna gùng lòt, bơt bơtàu.

VOV.K'Ho- Mŭt bal tàm gùng lòt tam gơl sồ tàm lơh broă ătbồ dà lơgar, Anih duh broă Làng bol sơnah ƀòn Hội Phú, càr Gia Lai neh lơh lài bơcri priă, ai robot AI ngăc ngar mŭt don g kờl làng bol bơsong sră nggal sră pơ àr gơnoar ătbồ tàm Anih tờm Drơng broă sră pơ àr gơnoar ătbồ dà lơgar. Do là ƀòn lơgar bơh sơnrờp tàm ù tiah càr dê lam lơh broă lơh tơrlòng lài do, pơgồp bơnah tơngguh uă cồng nha drơng broă, tơrmù bơta kơn jơ̆ ai kwang bàng in mờ dờp geh bơta cih dờp niam ngan bơh làng bol dê.

VOV.K'Ho- Di dơ̆ ồng Thongloun Sisoulith geh pồ lơh wơl Tổng Ƀí thư Mpồl Duh broă Đảng Làng bol kăc màng Dà lơgar Lào khoă XII, ngai 08/01/2026, ồng Tô Lâm, Tổng Ƀí thư Mpồl Duh broă Đảng Kộng sản Dà lơgar Việt Nam neh pơyua sră chờ gờm ồng Thongloun Sisoulith.

VOV.K'Ho- Mho ngai 08/1, tàm Hìu Quôk hội, Ƀí thư Anih duh broă Đơng lam Đảng Quôk hội, Củ tịc Quôk hội ồng Trần Thanh Mẫn neh đơng lam Pơrjum Mpồl Lơh kơnòl broă sùm Anih duh broă Đơng lam Đảng Quôk hội mờ Anih duh broă Lơh kơnòl broă sùm Quôk hội nàng sền swì, ai jơnau đơs bè broă yal tơnggĭt cau tơlik măt tĕ khà Cau ala măt Quôk hội lơh broă mìng lơh dùl kơnòl broă khoă XVI tàm Dà lơgar.

VOV.K'Ho- Ngai 08/01, Mpồl lòt sền, jăt sền bơh Mpồl dềt sền gàr lơngăp lơngai, rơndăp tăp sèng mờ niam lơngăp lơngai jơh gùt mpồl bơtiàn gơ wèt Mpồl duh broă Tĕ khà Dà lơgar dê neh lơh broă mờ Cơldŭ Kảñ sát ntrờn làm bă tiah- Kwang àng càr Dăk Lăk mờ Tiểu đoàn 303, Trung đoàn 584, Gah Đơng lam Ling klàng càr bè broă lơh crăp rơcăng tam lơh, sền gàr lơngăp lơngai, rơndăp tăp sèng drơng tĕ khà cau ala măt Quôk hội khoă XVI mờ cau ala măt Mpồl duh broă Làng bol ală kâp tơngai lơh broă bơh nam 2026- 2031.

VOV.K’Ho- Mho ngai 8/1, Thủ tướng Cíñ phủ ồng Phạm Minh Chính tus bal dơ̆ tơngkah kir sơnrai 80 nam Ngai tơnggơs Kông ty dờng Mai 10 (1946–2026) mờ dờp rò Sơlòng Lơh broă khà 1.

VOV.K’Ho – Nàng kờñ gàr niam lơngăp lơngai lòt rê tàm gùng mờ lơh niam wơl jơh bơta tơrlah kơn jơ̆ ngan tàm gùng kuèl Prenn – gùng tờm tiah đah jum mut tàm tiah tờm Dà Làc, càr Lâm Đồng ơm ing lòt rê dùl bơnah kuèl Prenn tàm 6 ngai, bơh ngai 09/01 tus ngai 15/01/2026.

VOV.K'Ho- Tơnơ̆ rơlao 20 nhai mut lơh, 2 nơm gùng brong lòt gan koèl kơh Phượng Hoàng tàm gơl gùng rơndeh lòt mhar Buôn Ma Thuột - Khánh Hoà, neh ngan ngồn tàm tơrbŏ ai lòt rê.

VOV.K'Ho- Mpồl duh broă sền sơ wì, tam pà khà phan bơna OCOP kấp càr Dăk Lăk neh dờp tai 10 phan bơna lơh geh 4 sơrmañ nam 2025 tơnơ̆ tŭ sền sơwì, ai điềm ală phan bơna tus bal broă lơh “Tơl sàh dùl phan bơna”.