Tus bal pơrjum geh 250 nă cau ala măt là ală kwang bàng lơh broă gah jăt yàng, bèp yàng, cau kơ đơng yàng, cau jăt yàng bal mờ ală cau tàm mpồl duh broă gùng yàng đah jăt yàng Bàp Ban Mê Thuột mờ đah jăt yàng bàp Quy Nhơn.

Ală cau ala măt geh yal gùng dà broă lơh bơh Đảng, adăt boh lam bơh Dà lơgar dê; ală bơta pa tàm Adăt Pin dờn, Jăt yàng nam 2026; bơta git gơ̆p đah Dà lơgar Việt Nam mờ Hìu yàng Vatican; kơnòl bơh đah jăt yàng Bàp Việt Nam tàm broă bơ̆t bơtàu mpồl tam klăc gùt jơi bơtiàn. Jăt ồng Nguyễn Tiến Trọng, Phó Kwang lam bồ Mpồl Jăt yàng Chính phủ pà git, Adăt Pin dờn, Jăt yàng nam 2026 geh ngui bơh ngai 1 nhai 1 nam 2027. Broă yal jơnau lơh nền pa rơ̆p geh pơgồp bal tàm broă tơnguh uă cồng nha pơgồp bal đah gơnoar atbồ mờ ală mpồl jăt yàng tàm broă lơh jăt broă.