Thủ tướng pà git, nàng tơrmù niam mpồl lơh broă mờ ring bal broă atbồ, Chính phủ neh bơyai lơh wơl Mpồl Sồr lơh, tơrgùm gơs dùl Mpồl Sồr lơh bal đơng lam lơh 4 broă lơh jơnau kờñ dà lơgar dê, tàm hơ̆ geh: Bơ̆t bơtàu ƀòn lơgar pa; Bơtàu tơnguh lơh sa mpồl bơtiàn tiah làng bol jơi bơtiàn ờ gal cau mờ tiah kơh bơnơm; Bơtàu tơnguh niam chài; Drơng gàr bơta pràn kơl dang să jan, khà kờp làng bol mờ bơtàu tơnguh mờ Lơh pa, tơnguh uă bơta niam broă bơto bơtê mờ bơsram.

Mìng is Broă lơh jơnau kờñ dà lơgar dê bè rơcang tam dră mờ ma túy geh Bộ Kwang àng sồr lơh tơn. Thủ tướng sồr geh gùng dà broă lơh pràn nàng bơsong broă lơyài bơcri priă, tàm hơ̆ uă ngan là priă nam 2026 mờ bơnah priă tơngai bơh nam 2021 tus 2025 geh tơnjŏ tus nam 2026. Mờ ală anih lơh broă đơng lam, tàm hơ̆ geh Bộ Broă lơh sa suơn sre mờ Tiah ơm kis, Bộ Jơi bơtiàn mờ Pin dờn Jăt yàng pal pơgồp bal nền nòn mờ Bộ Bơto bơtê mờ Bơsram, Bộ Niam chài, Tàp pràn să jan mờ Lòt nhơl nàng lơh ndrờm bal ală broă lơh, gàr niam lơh gơs ală jơnau kờñ geh ai.