Tàm pơrjum tơnkah, ồng Trần Thanh Mẫn, Chủ tịch Quốc hội sồr, bŭ lah tàm ală bơta lơi, mpồl sền gàr Lơngăp lơngai lơh broă mờ lơgar ndai pal là mpồl dờn song ngan mờ Đảng, Dà lơgar bal mờ làng bol, pal gàr kơl jăp kơrnoăt gàr kơl jăp broă đơng lam, tơl ală bơta bè ală gah bơh Đảng dê, tàm hơ̆ tus bal tơn là Anih duh broă đơng lam Đảng Kwang àng Dà lơgar mờ đơng lam bồ Bộ Kwang àng; pơgồp bal nền nòn mờ anih lơh broă gơrềng bal.

Chủ tịch Quốc hội sồr tơnkah bơ̆t bơtàu mpồl Kwang àng làng bol đơs bal mờ mpồl sền gàr Lơngăp lơngai lơh broă mờ lơgar ndai đơs is jăk chài, ngăc ngar, lơh pa. Mpồl lơh broă niam, lơh broă pràn geh cồng nha, di pal niam mờ jơnau kờñ kơnòl broă tàm ală lơgar uă bơta mờ tam gơl sồ pràn kơl dang tŭ do. Ala măt kwang đơng lam Đảng, Dà lơgar, ồng Trần Thanh Mẫn, Chủ tịch Quốc hội neh jào Huân chương Hồ Chí Minh pà mpồl sền gàr Lơngăp lơngai lơh broă mờ lơgar ndai neh geh cồng nha jăk ngan pơgồp bal tàm broă lơh kăc màng bơh Đảng, bơh làng bol dê.