Anih duh broă Làng bol ƀòn dờng Hồ Chí Minh bơyai lơh sơnđờm mut lơh 8 broă lơh bơt bơtàu, rơndăp broă lơh tờm
Thứ năm, 06:00, 02/07/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Di dơ̆ tơngkah kir sơnrai 50 nam ngai ƀòn dờng Hồ Chí Minh chờ hờp cèng mat Chủ tịch Hồ Chí Minh, drim 1/7, Anih duh broă làng bol ƀòn dờng Hồ Chí Minh bơyai lơh sơnđờm mut lơh 8 broă lơh bơt bơtàu, rơndăp broă lơh tờm mờ kờp jơh priă bơcri lơh rlau 253 rơbô tơmàn đong.
Pơn rơ ngan là rơndăp broă lơh Suơn dờng Bến Nhà Rồng - Khánh Hội mờ tờm chi Suơn dờng Bến Bạch Đằng, ơnàng rlau 73 lồ, kờp jơh priă bơcri lơh rlau 29 rơbô 300 tơmàn đong. Rơndăp broă lơh rơ̆p lơh niam wơl gùng Nguyễn Tất Thành gơguh tus 10 bơnàng rơndeh, lơh gùng brong Hoàng Diệu, lơh pa mờ pờ ơnàng rơbàng Tân Thuận, bơh ƀlàng ơn rơndeh, anih ơhò ơm, phan bơna bơt bơtàu măi mok ring bal.
Bơta tờm là rbàng lòt jơng tơbă gan dà dờng Sài Gòn tàm tơrbŏ bal mờ Bến Nhà Rồng mờ Bến Bạch Đằng, bal mờ mpồl ù tiah niam chài- kah yau ơnàng pơgăp 11 lồ tàm Bến Nhà Rồng, pơgồp bơnah lơh geh muh mat pa ai tiah anih tờm in.
Viết bình luận