Rơndap broă lơh geh kờp jơh priă bơcri lơh mờr 10 rbô tơmàn đong, jòng mờr 145 kơi sồ, geh 6 bơnàng gùng, lơh 2 nơm rơbàng che văng Phú Hải mờ Cà Ty bal mờ mờr 85 lồ ù tuh rlau dà lềng. Cau bơcri priă lơh geh sồr lơh sir sră nggal, yal Mpồl atbồ rơndap broă lơh bơcri priă bơt bơtàu sồ 2 in lài mờ ngai 30/9 tus do. Tŭ lơh gơs, gơl gùng do geh kơp kơnờm rề ơnàng ù tiah tiah drà, sơlơ tàm tơrbŏ gùng lòt, chồl tơnguh bơtàu tơnguh lòt nhơl, broă drơng ala mờ tơnguh cồng nha ngui ù kềng gah dà lềng. Anih duh broă Làng bol càr Lâm Đồng jàu ală sờh, mpồl, gah broă lơh geh gơ rềng kơlôi sơnơng ală kal ke, bơta gơ kòl tàm tŭ lam lơh rơndap broă, git nền bă ù geh ai priă ngui ù, priă ơpah ù, git nền giă priă bă ù pal tơm, tac tàm pơrlòng giă bă ù nàng ai priă tơm priă lơh gùng in.