Yal mờ Mpồl lơh broă, Ồng Y Thanh Hà Niê Kdam, Bí thư Tỉnh ủy càr Lâm Đồng pà git, tơnơ̆ mờ tŭ tơmŭt bal mờ lơh jăt broă lơh gơnoar atbồ ƀòn lơgar bàr kấp, broă lơh sa mpồl bơtiàn càr dê kơl jăp niam. 6 nhai bồ nam, lơh sa gơguh 7,9%; tă tàm kes priă geh rơlao 18 rơmàn 800 tơlăk đong.

Càr gam tơrgùm bơsong ală rơndăp broă lơh gam gơkòl, lơh mhar broă bơcri priă dà lơgar, lơh ngan geh jơnau kờñ gơguh lơh sa bơh 10% rơlao hờ đang tàm nam 2026. Càr kung dan mờ Quân ủy Dà lơgar, Bộ Ling klàng pơn jăt tai sền gròi, kờñ bal Rơndăp broă lơh kơrnoăt boh lam, broă dong kờl krơi is bơtàu tơnguh gah lơh bô xít – alumin – trà. Đơs tàm dơ̆ lơh broă, Đại tướng ồng Nguyễn Tân Cương sồr, càr Lâm Đồng pơn jăt tai tơnguh bơta pràn, pơgồp bal broă bơtàu tơnguh lơh sa mờ tơnguh broă sền gàr dà lơgar lơngăp lơngai; tơnguh broă pơgồp bal đah ală mpồl tàm broă sền gàr tiah nhàr lơgar mờ lơh pràn broă jòi rồ, tơrgùm ƀồc ntìng cau ling chơ̆t màng.