Dar pơrjum dơ̆ 4 bơh Anih duh broă Lơh kơnòl broă sùm Quốc hội rơ̆p bơyai lơh tàm 6 ngai, tam pà lơh gơs 2 dơ̆. Dơ̆ sơnrờp geh bơyai lơh tàm 1 ngai nggùl, bơh ngai do 08 nhai 7 tus ngai 09 nhai 7 nam 2026; dơ̆ bàr geh bơyai lơh tàm 4 ngai nggùl, bơh ngai 14 tus ngai 17 nhai 7 nam 2026 mờ ngai 28 nhai 7 nam 2026.

Tàm dar pơrjum do, Anih duh broă lơh kơnòl broă sùm Quốc hội rơ̆p sền wơl, pơgồp jơnau đơs bè: jơnau rơcang cih Adăt tam gơl, bơtơl ờ uă bơta tàm Adăt Kiến trúc; jơnau rơcang cih Adăt Nhơm jờu (tam gơl); jơnau rơcang cih adăt ù tiah; jơnau rơcang cih Jơnau lơh nền tàm pơrjum Quốc hội dê bè kơrnoăt boh lam, broă lơh krơi is nàng bơsong tìs adăt boh lam gơrềng tus lơh sa dà lơgar, lơh sa cau dùl nă să mờ ngui bơta jăk chài, măi mok, tam gơl pa bơceh lơh, tam gơl sồ; jơnau rơcang cih Adăt tam gơl, bơtơl ờ uă bơta tàm Adăt Anih priă jền Dà lơgar Việt Nam, Adăt Rơcang kơrian kơñao priă mờ Adăt ală mpồl ai càn priă, bal mờ uă jơnau rơcang cih, jơnau lơh nền tàm pơrjum kwơ màng ndai. Bè jơnau geh ai ală bơta kwơ màng, Anih duh broă Lơh kơnòl broă sùm Quốc hội rơ̆p pơgồp jơnau đơs bè gùng dà bơcri priă Rơndăp broă bơcri priă lơh gùng Jăt gah 5-Tiah Càr lơgar Hà Nội; broă lơh wơl gùng dà broă bơcri priă lơh Rơndăp broă bơcri priă lơh gơl gùng rơndeh ồs Lào Cai-Hà Nội Hà Nội-Hải Phòng; rơndăp broă crơng gơs ƀòn dờng Quảng Ninh gơwèt Dà lơgar dê.