Jơnau yal pà gŏ, 6 nhai do, ală bộ, gah lơh broă dà lơgar, ală càr ƀòn dờng neh lơh uă broă pơrlòng kờñ gơboh dà lơgar pơgồp bal mờ kơnòl broă bơtàu tơnguh lơh sa mpồl bơtiàn. Pal kah ngan, ngai 13 nhai 6, Thủ tướng lam lơh broă pơrlòng lơh jăt jơnau kờñ gơguh lơh sa kơl jăp bàr sồ tơngai bơh nam 2026 tus 2030.

Đơs tàm pơrjum, Thủ tướng đơs nền pơrlòng pal wèt tus cồng nha mùl màl, ai cồng nha pơgồp bal tàm broă bơtàu tơnguh dà lơgar, gàr niam dà lơgar lơngăp lơngai mờ tơnguh uă rài kis làng bol lơh bơta tờm nàng was, lơh ngan bơsong bơta ờ niam lơh gời, cồng nha gời. Thủ tướng đơs loh, mùl màl tàm tơngai do dờp geh uă ngan broă lơh pa, broă lơh niam lơh gơrề uă tiah. Hơ̆ là dơ̆ kăc màng tơrmù niam mpồl lơh broă, bơsong tiah gơkòl ală rơndăp broă lơh tờm dà lơgar dê, ală jơnau niam lơh ngoh rơngăc ngan nùs nhơm bơh broă lơh 500 ngai mang jòi rồ, tơrgùm mờ đal git măt ƀồc ntìng cau ling chơ̆t màng dê.