Do là cồng nha pơnrơ ngan geh đơs tàm Pơrjum sền wơl 3 nam lơh jăt Broă lơh Jơnau kờñ Dà lơgar bơ̆t bơtàu ƀòn lơgar pa tơngai bơh nam 2021- 2025 càr Dăk Nông dê geh bơyai lơh tàm ngai 28/09.

Kờp tus nhai 09 nam 2023, càr Dăk Nông geh 36 tàm 60 xã lơh geh jơh ală broă jàu bơ̆t bơtàu ƀòn lơgar pa, gơguh 7 xã pơndrờm mờ nam 2020, tàm hơ̆ geh 1 xã lơh geh jơh ală broă jàu ƀòn lơgar pa gơguh jơnhoa, geh 80% broă rơndăp lơh geh 43 xã lơh geh jơh ală broă jàu tàm nam 2025. Kờp bal jơh gùt càr lơh geh mờr 17 broă jàu, ờ gam xã lơi tai hơđơm 10 broă jàu. Broă lơh jơnau kờñ dà lơgar bơ̆t bơtàu ƀòn lơgar pa geh đơs pơn jăt tai cèng wơl cồng nha uă ngan ai càr Dăk Nông in. Bơh hơ̆ lơh mhar tŭ tơngai bơtàu tơnguh lơh sa- mpồl bơtiàn, tơrmù rƀah, rơhời pơgồp bơnah gờñ ai càr Dăk Nông gơ gơs là càr bơtàu tơnguh đau bơh tiah Tây Nguyên dê jăt jơnau kờñ bơh Pơrjum dờng Đảng ƀộ càr Dăk Nông dơ̆ XII dê sồr.