VOV4.K’Ho- Pơnđơl pràn lơh ngan tam gơl pa mờ jơh nùs lơh jat mờ broă lơh lơh gơlik uă sơntìl kòi phe Briêt, Hợp ták xã Tơrmù rƀah Ea Súp, kơnhoàl Ea Súp, càr Dăk Lăk neh mờ gam lam lơh gơrề uă broă lơh sih tam kòi jat broă lơh hữu kơ cèng wơl priă jền lơh sa uă.

VOV4.K’Ho- Nàng kờñ lơh geh nùs nhơm duh hồl, tàm pơrlòng kờñ gơboh Dà lơgar, tryang tryồng lơh broă sa, tơnơ̆ ală ngai ơm rlô sa tềp Giáp Thìn, jơh ală 10 kơnhoàl, ƀòn dờng bơh càr Kon Tum dê neh dùl ròt bal ur ar lòt lơh broă bơt bơtàu ƀòn lơgar pa mờ tiah drà niam jak.

VOV4.K'Ho - Drim ngai 20/02, Ủy ƀan Ñân zân kơnhoàl Ia H’Drai, càr Kon Tum bơyai lơh yal Kơrnuat dờp xã Ia Đal tơl khà ƀòn lơgar pa.

VOV4.K’Ho- Mờ rơlao 95% hìu làng bol kòn cau Bơnhàr kis bơh uă nam do, ƀòn Đăk Mông, xã Đăk Rong, kơnhoàl Đăk Đoa, càr Gia Lai là dùl tam ală ƀòn geh pơnrơ ngan tàm broă lơh jăt jơnau kờñ dà lơgar dê bè bơ̆t bơtàu ƀòn lơgar pa. Bal mờ gơnoar atbồ xã, làng bol tàm ƀòn neh lơh ngan lơh broă sa, ai geh cồng nha bơh broă lơh sa mùl màl pơgồp bal mờ broă prăp gàr uă bơta niam chài krơi is nàng dong kờl buh măt ƀòn lơgar ngai sơlơ niam bơnĕ, wèt tus broă lơh geh dùl ƀòn lơgar pa lam lài.

VOV4.K'Ho - Càr Kon Tum geh mờr 54% khà kờp làng bol là cau jơi bơtiàn dồ êt nă cau, tàm hơ̆ geh 7 kòn cau ơm kis bơh jŏ tàm càr, geh: Sơdàng, Jêh Triêng, Bahnar, Jrai, Brâu, Rơ Măm mờ Hrê. Mờ bơta lơh ngan pơrlai bơta pràn, bơta ƀuơn nàng bơtàu tơnguh, càr Kon Tum neh rơhời lơh gơs ală phan lòt nhơl, phan ngui sa bơh ală bơta kuơ niam chài bơh yau, dong làng bol tơnguh priă jền lơh geh, rơ hời tơnguh niam rài kis.

VOV4.K’Ho- Broă lơh jăt jơnau kờñ dà lơgar bè bơ̆t bơtàu ƀòn lơgar pa neh lơh geh bơta gơrềng bal pràn kơl dang tàm ală ƀòn tiah Tây Nguyên dê. Ờ mìng dong kờl lơh geh muh măt ƀòn lơgar tam gơl mờ gam pơgồp bal tam gơl niam tàm nùs nhơm kơlôi sơnơng, broă lơh mờ bơ̆t bơtàu rài kis pa bơh làng bol tàm tiah ngài, tiah jơi bơtiàn ờ gal cau dê. Tàm càr Lâm Đồng, bŭ lah rài kis lơh sa bơh làng bol gam kal ke mơya kơnờm mờ broă git ngui bơta pràn tam klăc bal jơi bơtiàn, den tàng broă tus bal bơ̆t bơtàu ƀòn lơgar pa neh cèng wơl uă cồng nha niam.

VOV4.K’Ho- Neh geh tŭ gơ ơm tàm sră cih mat 62 kơnhoàl rƀah bơh jơh gùt lơgar dê, kơnhoàl tiah sar lơgar ngài, tiah jơi bơtiàn dồ êt nă cau Dam Rong, càr Lâm Đồng dê tŭ do neh geh bơta tam gơl loh làng ngan. Ờ mìng khà hìu bơnhă rƀah gơmù, lơh sa- mpồl bơtiàn bơtàu tơnguh, lơngăp lơngai cíñ trị kơ̆p kơl jăp lơm mờ ală hìu niam chài kung neh geh tơnguh tai pơndrờm mờ lài. Nàng pơn jăt tai gàr ală cồng nha neh lơh geh, ai Dam Rong bơtàu tơnguh kơ̆ kơl jăp mờ jŏ jòng, tàm nam pa nam 2024 do, kơnhoàl Dam Rong rơ̆p geh ală pơlam gùng dà loh làng lơi, jơnau tơm bơh bơr tơnơ̆ do bơh bi Lơ Mu K’Yến dê mờ ồng Liêng Hót Ha Hai, Phó Củ tịc Ủy ƀan Ñân zân kơnhoàl Dam Rong, geh đơs bè tơngume do.

VOV4.K’Ho-Lơh krơh lùp bơsram ngui kông nghệ thông tin den hơ̆ sồng lam lơh tus mờ kwang bàng, đảng viên mờ làng bol in bơsram, lơh jat. Hơ̆ là broă mờ ală Ƀí thư Ci ƀộ, đảng ƀộ tiah kal ke uă ngan tàm càr Sơn La dê lơh bal di tŭ mờ broă ngui măi mok pa 4.0. Bơh hơ̆ pơgồp bơnah ai ală Nghị quyết bơh Đảng mut tàm rài kis, tàm hơ̆ geh Nghị quyết bè bơt bơtàu ƀòn lơgar pa. Broă lơh do tàm càr Sơn La pal geh bơsram mờ lơh gơ rề uă tàm ală tiah.

VOV4.K’Ho- Tàm tiah nhàr lơgar xã Ia Nan, kơnhoàl Đức Cơ, càr Gia Lai là ù tiah kal ke, 100% là làng bol jơi bơtiàn dồ ết nă cau ơm kis. Tài bơh ală bơta lơh sa gam rƀah ngan, bơta gĭt wă bơh làng bol dê gam ờ hoan gĭt den gùng lòt bơsram bơh ală kơnòm bơsram dê kung kal ke, bòl gar ngan. Tơngai pa do, ală kấp geh gơnoar, ală mpồl cau, ngan là mpồl ling sền gàr tiah nhàr lơgar neh pơgồp bal mờ hìu bơsram, ai uă broă lơh dong kờl ai kơnòm bơsram rƀah tàm tiah nhàr lơgar in lòt bơsram.

VOV4.K’Ho- Ngui bơta gơguh jăk khoa họk – kỹ thuật, uă làng bol lơh broă sa kòn cau Dao kis tàm xã Cư̆ Suê, kơnhoàl Cư̆ Mgar, càr Dăk Lăk neh rơhời tam gơl bồ tơngoh kơlôi sơnơng tàm broă tam phan, pơgồp bal lơh sa, git drà kă bro, tam gơl rơhời tus broă lơh nền nòn ală phan geh lơh nàng tơnguh uă priă tăc, cèng geh bơta kwơ lơh sa.