Kông ty neh jơh nùs pơgồp bal mờ gơnoar atbồ ală tiah hòi jà làng bol tus bal pà is ù, ngai lơh broă, phan bơna nàng drơng broă bơt bơtàu, lơh niam wơl gùng che ồs đèng hạ áp jat gùng dà broă lơh “Dà lơgar mờ làng bol lơh bal” mblàng yal yờ tơnguh uă bơta gĭt wă sền gàr broă lơh gùng che ồs đèng, gùng kềng gùng che ồs đèng, ngui ồs đèng tềm pềr mờ geh cồng nha.
Mìng tàm 3 nam pa do, mìng is PC Dăk Lăk neh lơh 263 rơndăp broă lơh gùng che ồs đèng, mờ kờp jơh priă tă lơh rlau 668 tơmàn đong. Mờ Tổng Kông ty Ồs đèng tiah tàm gùl lơgar kung neh bơcri priă lơh 12 rơndăp broă lơh gùng che ồs đèng tờm tàm càr Dăk Lăk, kờp jơh priă tă lơh 1 rơbô 322 tơmàn đong. Tus tŭ do, jơh ală xã, sơnah ƀòn, thị trấn càr dê neh geh ồs đèng, geh 99,54% khà hìu bơnhă làng bol ngui gùng che ồs đèng Dà lơgar mờ 148 tàm 152 xã lơh geh broă jàu bè gùng che ồs đèng tàm broă bơt bơtàu ƀòn lơgar pa.
Viết bình luận