Bơh 35 nam bơ̆t bơtàu mờ bơtàu tơnguh, 10 nam lơh jăt Broă lơh Jơnau kờñ Dà lơgar dê bè bơ̆t bơtàu ƀòn lơgar pa, kơnhoàl Lâm Hà- Tiah lơh sa pa bơh Hà Nội dê tàm ù tiah càr Lâm Đồng neh geh bơta bơtàu tơnguh tơl làm ngan tàm ală gah broă.
Dờp Gai lòng Lơh broă khà Pe bơh Củ tịc lơgar dê pà kơnhoàl Lâm Hà in
Tus tŭ do, priă lơh geh kờp bal dùl nă cau là rlau 52 tơlak đong, gơguh tus 2 dơ̆ mờ nggùl pơndrờm mờ 10 nam lài; khà hìu bơnhă rƀah kung gơmù uă ngan tŭ do mìng gam 1,68% lơm; 100% xã geh dờp lơh geh tơl jơh ală broă jàu bơ̆t bơtàu ƀòn lơgar pa; là kơnhoàl dơ̆ 5 bơh càr Lâm Đồng dê geh Thủ tướng Cíñ phủ dờp là kơnhoàl lơh geh tơl jơh ală broă jàu bơ̆t bơtàu ƀòn lơgar pa tơngai bơh nam 2016- 2020; mờ chờ hờp geh Củ tịc lơgar pà jờng Gai lòng Lơh broă khà Pe. Tŭ do, jơh gùt càr Lâm Đồng neh geh 107 tàm 111 xã lơh geh tơl jơh ală broă jàu bơ̆t bơtàu ƀòn lơgar pa, 2 ƀòn dờng lơh gơs kơnòl broă bơ̆t bơtàu ƀòn lơgar pa mờ 5 kơnhoàl lơh geh tơl jơh ală broă jàu bơ̆t bơtàu ƀòn lơgar pa.
Viết bình luận