Do là cau chơt tài bơh kòp sốt xuất huyết dơ̆ sơn rờp tàm càr kờp bơh bồ nam tus tŭ do. Kơnòm dềt kòp chơt là oh ùr, deh nam 2016, ơm tàm thị xã Buôn Hồ, càr Dăk Lăk geh kham, git gŏ gơtìp As sồt ơră plai nùs kơn jơ̆ gơbàn ờ niam sốt xuất huyết Dengue kơn jơ̆.

Tơnơ̆ tŭ geh kơnòm dềt chơt tài bơh kòp sốt xuất huyết, Anih tờm gròi sền kòp tê jê să càr Dăk Lăk neh yal tơnggit bè cau kòp ai Hìu sơnơm thị xã Buôn Hồ in, pơlam ală broă lơh lùp sền, lơh niam tiah ơm kis, lùp khàu vec tơ jơnau lơh bơ tờp kòp mờ ƀồm sơnơm gơ sơt sơmac dờng. Mờ kung mblàng yal làng bol in bè ală broă lơh rơcang lài sơndră mờ kòp sốt xuất huyết Dengue.