Tàm dơ̆ cri bơyai, ồng Nay Phi La, Kwang atbồ Sở Y tế càr Dăk Lăk pà git, mờ broă lơh ngan bơh mpồl kwang bàng đơng lam, kwang bàng, kông cứk, viên cứk, cau lơh broă tàm ală nam do, gah lơh sơnơm càr Dăk Lăk neh lơh geh jơnau kờñ, khà broă geh jào, pơgồp bal tàm broă sền gàr niam bơta pràn kơl dang să jan làng bol kis tàm càr.

Tus tŭ do, 100% xã, sơnah ƀòn, thị trấn geh hìu sơnơm; 97% hìu sơnơm xã, sơnah ƀòn geh ƀák sĩ lơh broă, 100% hìu sơnơm xã sơnah ƀòn geh măi vi tíñ tơrbŏ internet mờ ngui ală phần mềm atbồ gah lơh sơnơm. Khà geh ƀảo hiểm y tế geh rơlao 92%. Bơdìh mờ ală cồng nha neh lơh geh, ală nam do, gah lơh sơnơm càr Dăk Lăk kung tìp uă kal ke bè broă ai tơl sơnơm, phan lơh broă, hoă cất drơng cau kòp in gam ờ tơl; cau lơh broă kung ờ hềt di pal mờ jơnau kờñ, tàm hơ̆ uă ngan là ờ tơl ƀák sĩ geh bơta ngăc ngar bơsram sră uă.