Ƀák sĩ Trần Duy Dũng, Phó Kwang atbồ drơng broă Hìu sơnơm dờng càr Dăk Nông pà git, bơta ờ tơl phan lơh sơnơm tàm hìu sơnơm gơlik geh bơh nam 2022 tus tŭ do. Tàm hơ̆, sơ prồm tê ờ geh vi trùng, ding tơmut, pềs reh, sơnơm lơhă bic… là ală bơta phan sùm ờ tơl. Bè jơnau lơh gơbàn ờ tơl phan lơh sơnơm, ƀák sĩ Dũng pà git, tài broă lơh blơi, tàm pơrlòng giă blơi gam ờ niam mờ bơta ờ tơl ală mpồl tac phan tơnơ̆ tơngai gơtìp gơ rềng bơh kòp Kovid-19 dê. 

Nam 2022, hìu sơnơm lơh 15 bơnah broă tàm pơrlòng giă blơi phan bơna, măi mok lơh sơnơm kờp priă 38 tơmàn đông, mìng geh 5 bơnah broă tàm pơrlòng giă kờp priă mờr 10 tơmàn đông lơh gơtùi. Den tàng, ƀák sĩ Dũng sồr Sở Y tế càr Dăk Nông lơh mpồl lam lài, lam lơh blơi phan tơrgùm bal, bơh hơ̆ tơrmù ƀà bơta kơn jơ̆ ai kwang bàng, cau lơh broă ală hìu sơnơm in.