Gia Lai: Kham rơwah kòp ờ sa priă ai kơnòm dềt geh tơngŏ kòp plai nùs bơh dềt in
Thứ năm, 10:27, 11/05/2023
Cau mlàng Ndong Brawl/VOV Tây Nguyên
Cau mlàng Ndong Brawl/VOV Tây Nguyên
VOV4.K’Ho- Geh bơyai lơh bơh ngai 09 nhai 05 tus jơh ngai 12 nhai 05, Sở Lao động – Thương Ƀiñ mờ Xã hội càr Gia Lai pơgồp bal mờ Hìu sơnơm Hoàn Mỹ Đà Nẵng bơyai lơh kham rơwah kòp plai nùs ờ sa priă ai kơnòm dềt tàm càr Gia Lai in.
Tàm ală ngai pa do, ală ƀák sĩ neh kham rơwah, pơlam ai mờr 400 nă kơnòm dềt tàm càr Gia Lai in geh tơngŏ gơtìp kòp plai nùs bơh dềt bè: sùm bơsiă, khò khè gơtìp sùm uă dơ̆, tă nhơm sơbăc, ntơh gơtìp gơrồt tŭ rơhồp nhơm, as klờm soh, jê sồt rơnồng dờ, kơnòm dềt gơtìp kòp bơh dềt ờ hềt geh kham rơwah.
Gơwèt mờ kơnòm dềt neh geh reh den jà tus kham nàng sền gròi bơta pràn kơl dang să jan. Kờp dŭ, tus jơh ngai 12 nhai 05, ală ƀák sĩ kham rơwah ai di pơgăp 1 rơbô nă kơnòm dềt tàm gùt càr in. Tơnơ̆ mờ tŭ ală kơnòm dềt geh kham rơwah mờ geh sồr reh, geh dong kờl priă reh di jăt mờ kơrnoăt geh ai.
Viết bình luận