Gah lơh sơnơm càr Gia lai bơto sồr làng bol lơh jăt broă rơcang sơndră mờ kòp, tàm hơ̆ uă ngan gơwèt mờ kơnòm dềt tàm hìu bơsram, nàng pơgồp bal tàm broă tơmù bơta gơtờp kòp. Tàm rơlao 1 nhai do, ală hìu sơnơm tàm càr Gia Lai neh dờp geh rơlao 3 rơbô nă cau gơtìp kòp jê măt.

Tàm hơ̆, nggùl khà do geh kham mờ sơm kòp tàm ală hìu sơnơm gah măt tàm ƀòn dờng Pleiku. Bè ờs pah ngai, tơl hìu sơnơm dờp geh sơm kòp di pơgăp 50 nă cau, geh ngai gơguh tus 100 nă cau. Nàng sền gròi geh cồng nha kòp jê măt, Anih tờm gròi sền kòp tê jê să càr Gia Lai neh geh sră nggal pơyoa tus ală hìu sơnơm tàm 17 kơnhoàl, thị xã, ƀòn dờng. Jăt mờ hơ̆, sồr ală hìu sơnơm tơnguh broă yal mblàng, jăt sền, gŏ gờñ mờ bơsong di tŭ ală tiah gơtìp kòp jê măt tàm càr.