Gia Lai: kòp sốt xuất huyết kung gam gơtìp kal ke, 1 nă cau gơtìp chơ̆t
Thứ ba, 13:31, 19/09/2023
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Jăt Anih tờm gròi sền kòp tê jê să càr Gia Lai yal, bơh bồ nam tus tŭ do, gùt càr neh gŏ geh 3 rơbô 160 nă cau gơtìp kòp sốt xuất huyết, tàm hơ̆ geh 1 nă cau neh gơtìp chơ̆t.
Cau gơtìp chơ̆t tài kòp sốt xuất huyết geh gŏ pa do là cau ùr (deh nam 1981) kis tàm thôn Hoà Bình, xã Bàu Cạn, kơnhoàl Chư Prông, càr Gia Lai. Cau kòp gơtìp chơ̆t geh sền gŏ gơtìp kòp sốt xuất huyết/Dengue jroă, ờ pràn ală bơta tàm dơlam să.
Anih tờm gròi sền kòp tê jê să càr Gia Lai neh tơrgùm dà mhàm bơh cau kòp do tàm hìu sơnơm pơyoa tus Viện vệ sinh dịc tễ Tây Nguyên in nàng xét nghiệm. Cồng nha, geh gŏ mờ tuýp virus Dengue I. Gah lơh sơnơm kơnhoàl Chư Prông mờ xã Bàu Cạn neh pơgồp bal sền gròi, pơs wàs kloh niam tiah kis tàm thôn Hoà Bình mờ lơh ală broă nàng rơcang sơndră mờ kòp sốt xuất huyết di jăt mờ kơrnoăt neh geh ai.
Viết bình luận