Kon Tum: Kòp jê măt klồng lơh bơtờp mhar tàm hìu bơsram
Thứ ba, 13:40, 12/09/2023
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Tàm càr Kon Tum kòp jê măt klồng gam lơh bơtờp mhar tàm uă hìu bơsram lơh ờ dùl êt nă kơnòm bơsram pal ơm rlô bơsram tàm hìu nàng sơm kòp.
Ƀak sĩ ồng Nguyễn Hữu Thâm, Kwang ătbồ Cơldŭ Broă rơndăp lơh Tơrgùm bal, Hìu sơnơm Măt Kon Tum pà gĭt, bơh bồ nhai 09 tus tŭ do, kờp bal pah ngai geh 20 nă cau kòp jê măt klồng lòt kham, sơm kòp tàm hìu sơnơm, cau kòp mìng là kơnòm dềt mờ tàm sơnam kơnòm bơsram.
Jăt jơnau bơto sồr bơh gah lơh sơnơm dê, nàng rơcăng sơndră lài mờ kòp jê măt kồng, pal sùm ràu goh tê mờ sơƀong; ờ ơn tê tềng bơr, măt, muh; ờ gŏ di ngui bal phan ngui is cau dê; lơh sàng goh măt, muh rơnồng dờ pah ngai mờ dà boh sơnơm mờ ală sơnơm trŏ măt, trŏ muh ờs mờng; ngui sơƀong halà ală dà sơnơm lơh kloh khuẩn, lơh kloh ală phan ngui bơh cau kòp dê; ờ huan ơm rềp mờ cau kòp halà pin gơtìp kòp jê măt klồng.
Viết bình luận