Jat hơ̆, gơ wèt mờ ală mpồl lơh broă gơ wèt Sở Y tế den Sở Y tế càr Kon Tum sồr sơlơ tơnguh broă jat sền, git gŏ gờñ ală cau gơbàn kòp jê mat klồng, ngan là tàm ală hìu bơsram, anih lơh broă, hìu măi lam lơh jơh ală broă lơh kơryan ờ lời kòp gơbàn uă, bơtờp uă tàm uă tiah kòp jê mat klồng jat jơnau pơlam bơh Kụk lơh sơnơm rơcang gàr lài- Ƀộ Y tế dê. Sở Y tế càr Kon Tum kung sồr Sở Giáo zụk mờ Đào tạo, Ủy ƀan Ñân zân 10 kơnhoàl, ƀòn dờng bơh càr dê tŭ git gŏ kơnòm bơsram geh ală tềl tơnggŏ bè: duh să dùl êt, glar să, jê rơnồng dờ, geh è mat tềng sơn dồi mat, ờ gơtùi lìn mat,  geh pơ nời tềng hờ đap tồr halà hơ đơm ƀờng den pal lam kơnờm dềt tus ală anih kham sơm kòp nàng geh kham, pơlam, sơm kòp di tŭ.