Sền jơnau cih tàm dơ̆ tơngkah, Ƀí thư Tỉñ ủy càr Hà Tĩnh ồng Hoàng Trung Dũng kah wơl rài kis lơh broă kac màng pơn yờ să mờ ală tă pơgồp dờng màng bơh Tổng Ƀí thư ƀồc ồng Trần Phú dê gơ wèt mờ broă lơh kac màng bơh Đảng, jơi bơtiàn Việt Nam dê – dùl huềng nùs dờng, dùl bồ tơngoh kơ̆ dơn, khin cha ngan. “Bồ tơngoh tam lơh” hơ̆ neh, gam mờ sùm lơh àng gơ crà rlau tai ai bơhiàn pơn yờ să bơh jơi bơtiàn, ƀòn tờm Hà Tĩnh in, gơ gơs là bơta pràn, jơnau bơsram kuơmàng bè bơt bơtàu, bơtàu tơnguh dà lơgar tŭ do. Dơ̆ tơngkah nàng kờñ kah ưn ngài mờ jờng rơ ală dà kơl hề, bơta tă pơgồp dờng màng bơh ƀồc ồng Trần Phú dê gơ wèt mờ broă lơh kac màng bơh Đảng, jơi bơtiàn Việt Nam mờ ƀòn tờm Hà Tĩnh dê. Mờ kung đơs nền gơnoar broă đơng lam bồ jak chài bơh Đảng kộng sản Việt Nam, bơh Củ tịc Hồ Chí Minh mờ ală kwang đơng lam bồ lài do geh pơn rơ dê tàm broă lơh tam lơh tài lơngăp lơngai is, khat gơboh bơh jơi bơtiàn dê, tài bồ tơngoh kộng sản, tài bơta gơboh gơbài làng bol dê.